Hosea 5:6 - Holy Bible Nigerian Pidgin English

⁶ Even wen dem kom sakrifice animals give God make E for favor dem, dem nor si am bikos E don turn from dem.

Hosea 5:6 ပူးပေါင်းရင်းမြစ်များ

Exodus 10:9

Moses ansa am, “Wi go-go with awa yong and old pipol; all awa shidren and all awa animals, bikos wi dey travel go do sakrifice to take honor di Oga awa God.”

Proverbs 1:28

Dat time, una go koll mi wey bi wisdom, but I nor go ansa. Una fit go find mi for evriwhere, but una nor go si mi.

Proverbs 15:8

God hate wiked pipol sakrifice, but E dey enjoy good pipol prayers.

Proverbs 21:27

God nor like wen wiked pipol dey offa sakrifice gi-am, bikos dem dey do am with bad belle.

Song of Songs 5:6

I open di door for my love, but e don go! I vex well-well. I look evriwhere, but I nor si am. I koll am, but nobody ansa mi.

Isaya 66:3

Wiked pipol dey do tins for God like sey dem dey do am give juju and dis kind tin dey make God vex for dem. Weda dem kill melu as sakrifice, dem go dey guilty like sey dem kill human being. Even if dem sakrifice lamb, e go bi like sey na dog dem sakrifice; even if na rice dem present, dem go dey guilty like sey dem offa pig blood as ofrin; or if dem offa incense give God, dem go still dey guilty like who offa am give juju, bikos dis pipol don choose dia own way and dem like di yeye tins wey dem dey do.

Jeremaya 11:11

So, mi wey bi God sey: ‘I go soon distroy dem and dem nor go fit eskape. I nor go listin to dem wen dem kry kom meet mi for help.’

Jeremaya 11:14

So, Jeremaya my profet! Make yu nor pray or beg mi bikos of dis pipol. Wen dem dey trobol, make dem nor koll mi for help, bikos I nor go listin to dem.”

Jeremaya 14:12

Even if dem fast, I nor go listin to dia kry for help and if dem offa burnt and korn ofrin, I nor go asept am. Instead I go kill dem for war and with diziz and honga.”

Jeremaya 7:4

Make una nor bilive di lie wey make una dey sey, ‘Wi dey save, bikos God temple dey here! Yes! God temple dey here!’

Lamentashons 3:44

Yu hide yorsef for di kloud, so dat awa prayers nor go rish where Yu dey.

Ezekiel 8:18

So, dem go feel my strong vexnashon. I nor go sorry or pity for dem. Dem go shaut well-well as dem dey pray give mi, but I nor go ansa or listin to dem.”

Ezekiel 8:6

God tell mi, “Man pikin, yu si wetin dem dey do so? Si di yeye tins wey Israel pipol dey do for here! Dem dey porshu mi komot from my Holy Place. Yu go even si tins wey bad pass dis ones.”

Hosea 8:13

Dem dey offa sakrifice give mi kon chop di sakrifice meat. But mi wey bi God nor dey happy with dem and naw, I go remember dia sin kon ponish dem. I go send dem go back to Egypt!

Amos 8:12

“Pipol go dey waka up-and-down from Dead Sea go Mediterranean Sea kon from nort go east. Dem go dey find God message for evriwhere, but dem nor go si am.

Mikah 3:4

But wen una dey trobol, una go kom beg God make E help una! Una dey espect sey God go ansa una? Afta all di wiked tins wey una don do, God nor go even look una face!”

Malakai 1:10

God sey, “I wish sey one of una go klose di temple door, so dat una nor go dey burn yuzles fire for my altar. I nor dey happy with una and I nor go asept di sakrifice wey una dey bring kom give mi.”

Luke 5:16

But Jesus komot go pray for wildaness, where pipol nor dey.

John 7:34

Una go dey look for mi, but una nor go si mi and una nor go fit kom meet mi for where I dey.”