Hosea 5:4 - Holy Bible Nigerian Pidgin English

⁴ “Dia wikedness nor allow dem turn kom meet mi wey bi dia God, bikos di juju wey dem dey serve, dey shark dem and dem nor won know mi at-all.

Hosea 5:4 ပူးပေါင်းရင်းမြစ်များ

Psalms 78:8

Dem nor go bi like dia grand-grand papa wey sturbon; pipol wey nor gri obey, listin or give dia heart to God.

Psalms 9:10

Doz wey dey loyal to Yu, dey trust Yu, bikos Yu nor dey leave doz wey wont make Yu help dem.

Jeremaya 24:7

I go let dem know sey na mi bi God. Den, dem go bi my pipol and I go bi dia God, bikos dem go kom back kon serve mi with all dia heart.

Jeremaya 50:38

Wahala go kom di land and all di rivers go dry finish. But, wetin make all dis tins dey happen? Na bikos juju full di whole land and di pipol love dem well-well.

Jeremaya 9:24

If anybody won boast, make e boast sey e know and undastand mi, bikos my love dey forever and I dey do wetin dey korrect and true. I like pipol wey dey do dis kind tin. Mi, wey bi God, don tok.”

Jeremaya 9:6

Just as dem dey do one wiked tin finish, na so dem dey start anoda one. Dis pipol nor gri listin to mi wey bi God.”

Hosea 13:13

Israel get shance to live, but dem too dey foolish to si am; just like pikin wey dem just one born, wey nor gri kom out from en mama belle.

Hosea 4:1

Israel pipol, make una hear wetin God dey tok! God dey akuiz evribody for Israel sey: “For dis land, nobody love mi, dey faithful or si mi as en God.

Hosea 4:11

God sey, “Bikos my pipol dey drink old and new wine, dem nor get sense again.

Hosea 4:12

Dem dey ask wood make e show dem wetin go happen for future! Na stik dey tell dem wetin dem won know! Dem don leave mi. Dem bi like ashawo and dem don give diasef to oda gods.

Hosea 4:14

I nor go ponish una dotas wen dem dey do ashawo or una dota in-law wen dem dey sleep with anoda pesin husband, bikos di men for di temple dey make sakrifice and sleep with ashawo too. So, pipol wey nor get sense, na distroshon go end dia life.

Hosea 4:6

My pipol don die finish bikos dem nor know mi. Since di priests don rijet mi, misef go rijet dem as my priests. Since una don forget una Oga God laws, misef go forget to bless una shidren.

Hosea 7:11

Efraim pipol dey waka up-and-down like bird wey dem dey kwik deceive; dem koll Egypt pipol make dem kom help dem fight; but afta, dem run go koll Assyria pipol too!

Hosea 8:11

Di more Israel pipol dey build altar to remove sin, di more dem dey get many place where dem go for dey sin well-well!

John 16:3

Dem go do all dis tins, bikos dem nor know mi and my Papa.

John 8:55

Una nor know am, but I know am and if I sey I nor know am, I dey lie like una. I know am and I dey follow wetin e dey tok.

1 Samuel 2:12

Eli sons dey wiked and dem nor dey do wetin God kommand.