Hosea 4:4 - Holy Bible Nigerian Pidgin English

⁴ God sey, “Make nobody akuiz or blame di pipol, bikos na una wey bi priests, I dey tok against.

Hosea 4:4 ပူးပေါင်းရင်းမြစ်များ

Jeremaya 18:18

Den di pipol sey, “Make una kom, make wi do sometin about dis Jeremaya! Wi go always get priest wey go dey to tell us wetin wi go do; wise pipol go dey wey go advise us and wi go always get profet wey go prish God word give us. So make wi lie against am kon stop to listin to anytin wey e tok.”

Ezekiel 3:26

I go klose yor mout and yu nor go fit tok or warn all doz bad pipol.

Hosea 4:17

Bikos of di juju wey Efraim pipol dey serve, curse dey dia head. So make una nor go near dem!

Amos 5:10

Una nor like anybody wey dey judge well or tok trut for kourt.

Amos 5:13

So, to keep kwayet for dis kind evil time, naim bi di best tin to do!

Amos 6:10

Wen dia rilashons; di pipol wey go burn di dead body go kom karry di body komot from di house, dem go ask di pesin wey dey di house sey, ‘E get any oda pesin wey dey here with yu?’ Di pesin go ansa, ‘No!’ Den di rilashons go sey, ‘Kwayet! Make yu nor just menshon God name.’ ”

Deutronomi 17:12

Anybody wey nor gri obey wetin di judge or di priest wey dey ripresent di Oga una God tok, una must kill dat pesin. Like dis, una go end bad and wiked tins for Israel.