Hosea 4:2 - Holy Bible Nigerian Pidgin English

² Dem nor dey keep di promise wey dem make. Instead, dem dey lie, kill, tif and sleep with oda pipol husband and wife. Na so-so wiked tins dem dey do and dem dey kill each oda evriday.

Hosea 4:2 ပူးပေါင်းရင်းမြစ်များ

Jenesis 4:8

Kain kon tell en broda Abel sey, “Make wi go di field.” As dem dey di field, Kain rush en broda Abel kon kill-am.

Isaya 24:5

Di pipol wey dey dis world, don skata am with sin, bikos dem nor gri obey God law or keep en kovenant wey go last forever.

Isaya 48:1

Jakob shidren-shidren, make una listin to mi. Una wey bi Israel pipol wey kom from Judah tribe: pipol wey swear with God name sey, “Na Israel God wi dey woship,” but una nor mean wetin una dey tok.

Jeremaya 51:5

Mi, God wey dey mighty, neva forget Israel and Judah pipol, even doh dem sin against mi wey bi di holy God for Israel.

Jeremaya 6:7

Just as well dey bring fresh wota kom out, na so too Jerusalem dey bring all en wikedness kom out. I dey hear war and distroshon nois for di town kon si wound and sickness for evriwhere.

Lamentashons 4:13

But dis tin happen, bikos of di sin wey di profets and di priests kommit and bikos of di innocent pipol for di town, wey dem kill.

Ezekiel 7:23

So make dem prepare to shain my pipol, bikos na dead body full di land and na wahala full di town.

Hosea 10:13

But with evritin wey I tok, una plant wikedness kon harvest wetin una plant. Una don chop di fruit wey una lie-lie kause. Bikos una trust una shariot and di many sojas wey una get,

Hosea 10:4

Na empty words dem dey tok kon dey give lie-lie promise and naw, just as dem turn field wey betta plant suppose grow to where poizin grass full, na so too dem don turn betta judgement to bad one.

Hosea 11:12

Israel pipol surround mi with lie-lie; na wayo full Efraim, but Judah pipol still trust and dey faithful to God wey dey holy.

Hosea 12:14

But Efraim pipol make God vex well-well; so E go ponish dem bikos of di innocent pipol wey dem kill kon pay dem back for dia sin.”

Hosea 5:2

Una don dig one deep pit for where una dey woship juju, so I go ponish all of una.

Hosea 6:8

Na wiked pipol full Jabesh-Gilead town and na pipol blood kover all dia street.

Hosea 6:9

Di priests dem bi like tif wey hide for bush bikos one attack pesin. Dem dey kill pipol for di road wey dem dey pass go Shekem and dem still dey do many wiked tins!

Hosea 7:1

“Wen ever I sey I won heal and make my pipol, Israel prosper again, dia wikedness and di bad-bad tins wey dem dey do, nor dey allow mi do am. Samaria pipol dey shit each oda and dey do bad tins. Dem dey break enter pipol house and dey tif waka for street.

Hosea 7:3

Di pipol dey deceive di king and en ofisas with all dia evil plans and di prince dem dey make di king happy with dia lie-lie words.

Hosea 7:4

All of dem dey sleep with who dem nor marry. Dia body dey hot like oven wey dem won take bake bread, bikos of di bad tins wey dem won do.

Mikah 3:2

but na una even hate good tins kon love wiked tins. Una dey kill my pipol alive kon kut dia flesh from dia bone.

Mikah 3:9

Una wey bi leaders for Israel, make una listin to mi! Una hate to judge well and dey shange evritin wey dey rite.

Mikah 6:10

Wetin I wont tok about wiked pipol house wey full with propaty wey dem kollect thru wayo? Dem dey shit pipol for market and I hate dat kind tin.

Mikah 7:2

Betta pipol wey dey fear God, don die komot di eart and e nor get anybody wey dey good and honest for dis eart again. Evribody for di eart dey wait to kill each oda; dem dey set trap dey wait dia brodas for road.

Zefanaya 3:1

Bad tins go happen to Jerusalem pipol, bikos dem don spoil di town kon turn am to where wayo full.

Zekaraya 5:3

Den di angel tell mi, “Dem rite all di curse wey dey di land inside di book. For one side for di book, dem rite put sey, ‘Anybody wey dey tif, dem go drive am komot di land,’ and for di oda side, wetin dem rite put na, ‘Anybody wey dey lie, dem go drive am komot di land too.’ ”

Zekaraya 7:9

“Oga God wey dey rule evritin sey, ‘Make una dey judge well, show kindness and sorry for odas.

Matiu 23:35

So all God pipol blood wey una kill for dis world, go dey una head. From Abel blood go rish Zekaraya wey bi Barakaya pikin, wey una kill for inside di temple.

Acts 7:52

E get any profet wey una grand-grand papa dem nor kill? Dem even kill di messenja wey tok before sey, ‘Di Raitious Man go kom and una go gi-am to wiked pipol and dem go kill-am.’

Deutronomi 5:11

Make una nor use di Oga una God name take make yeye, bikos God nor go sorry for anybody wey use en name anyhow.

Deutronomi 5:18

Make una nor sleep with who nor bi una husband or wife.

Deutronomi 5:19

Make una nor tif.

1 Tesalonians 2:15

Di same Jew pipol wey dey ponish us, na dem still kill awa Oga God Jesus Christ and di profets. Dem dey wiked to evribody and nor dey do wetin God wont.

Revelashon 17:6

God pipol wey dem kill and doz wey prish about Christ, I si di woman wen e dey drink dia blood and di blood dey shark am like wine. I sopraiz well-well wen I si di woman.