Hosea 2:1 - Holy Bible Nigerian Pidgin English

¹ Den make yu go koll yor brodas, “Ammi” (wey mean “My pipol”)! And yor sistas, “Ruhamah” (wey mean “Pity”)!

Hosea 2:1 ပူးပေါင်းရင်းမြစ်များ

Jenesis 22:17

I go really bless yu kon make yor shidren-shidren plenty well-well and nobody go fit kount dem, just as nobody fit kount stars for sky or di san-san wey dey near river. Yor shidren-shidren go take all di tins wey bilong to dia enemies.

Jeremaya 31:33

Afta I don bring Israel pipol kom back to dia land, dis na di new kovenant wey I go make with dem: I go put and rite my law for dia heart. I go bi dia God and dem go bi my pipol.

Jeremaya 32:38

Den, dem go bi my pipol and I go bi dia God.

Jeremaya 51:5

Mi, God wey dey mighty, neva forget Israel and Judah pipol, even doh dem sin against mi wey bi di holy God for Israel.

Ezekiel 11:20

Dat time, dem go keep my law and obey my kommand with all dia heart. Dem go bi my pipol and I go bi dia God.

Ezekiel 36:11

I go make una pipol and animals dey plenty evriday. Una go many pass as una bi before and una shidren go plenty. I go let una stay here as una dey before kon make una betta pass before. Den una go know sey na mi bi God.

Ezekiel 36:28

Den una go stay for di land wey I give una grand-grand papa dem. Una go bi my pipol and I go bi una God.

Ezekiel 37:27

I go stay der with dem; I go bi dia God and dem go bi my pipol.

Hosea 2:2

Make yu akuiz yor mama, Israel, bikos e nor bi my wife again and mi Oga God, nor bi en husband again.

Hosea 2:23

I go make my pipol stay for di land and dem go prosper. Doz wey dem dey koll “No-pity” before, I go pity for dem and doz wey dem dey koll “Nor bi my pipol,” I go sey, “Naw, una don bi my pipol”, den dem go ansa sey, “Na Yu bi awa God.”

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”

2 Korintians 4:1

So as wi get dis ministry, just as God don show us mesi, awa hope don strong well-well.

1 Timoti 1:13

e si mi as good pesin kon choose mi to serve am. But God sorry for mi, bikos den I nor know wetin I dey do and I nor bilive en gospel.

1 Pita 2:10

Before-before, una nor bi God pipol, but naw, una don bi en pipol. Dat time, God nor get mesi for una, but naw, una don get en mesi.