Hosea 1:10 - Holy Bible Nigerian Pidgin English

¹⁰ But di time dey kom wen Israel pipol go plenty like san-san for sea wey nobody fit kount or measure. Aldo God dey sey, “Una nor bi my pipol,” but di day dey kom wen God go sey, “God wey nor dey die, na-im bi una papa!”

Hosea 1:10 ပူးပေါင်းရင်းမြစ်များ

Jenesis 13:16

And I go make yor shidren-shidren plenty like san-san for di eart and nobody go fit kount dem.

Jenesis 22:17

I go really bless yu kon make yor shidren-shidren plenty well-well and nobody go fit kount dem, just as nobody fit kount stars for sky or di san-san wey dey near river. Yor shidren-shidren go take all di tins wey bilong to dia enemies.

Jenesis 32:12

Yu bin sey, ‘I go really do good for yu kon make yor shidren plenty like san-san wey nobody fit kount.’ ”

2 Samuel 7:24

Yu don make Israel pipol yor own forever and Yu, my Oga, don bi dia God.

Isaya 43:6

I go tell di nort make dem let dem go and di sout nor go hold dem for der. Make my pipol kom from evriwhere for di world.

Isaya 48:19

Una shidren-shidren for plenty like san-san, like korn wey dem nor go fit kount; nobody go fit remove dia name or distroy dem from my present.’

Isaya 63:16

Na Yu bi awa papa. Even if Jakob and Abraham wey bi awa grand-grand papa sey dem nor know us, Yu God na awa papa and na Yu dey always save us.

Isaya 64:8

But Oga God, na Yu bi awa papa. Wi bi klay and na Yu mold us. Na Yu kreate us,

Isaya 65:1

God sey, “I bin dey ready to help my pipol, but dem nor kom meet mi make I help dem. I bin dey ready make dem look for mi, but dem nor even try. All di nashons nor pray to mi, even doh I dey ready to ansa sey: ‘Na mi bi dis, I go help una.’

Isaya 66:20

Just as Israel pipol dey bring rice ofrin kom di temple with fine kontaina, na so too dem go bring all una men from all di nashons kom give mi as ofrin for my holy mountin. Dem go karry dem kom my holy hill for Jerusalem with horse, melu, kamel, shariot and truck.

Jeremaya 33:22

I go make my savant, David shidren-shidren and all di priest from Levi tribe plenty, so dat dem nor go fit kount dem, just as dem nor fit kount star for sky or san-san for wotaside.”

Daniel 6:26

I dey kommand sey, ‘Make evribody wey dey dis kingdom, fear and respet only Daniel God.’ “E go rule forever, bikos E nor dey die. Dem nor go fit distroy en kingdom and en pawa nor get end.

Hosea 1:9

So God tell Hosea, “Make yu koll dis one, ‘Nor bi my pipol (Lo-Ammi),’ bikos Israel pipol nor bi my pipol and I nor bi dia God.”

Hosea 2:23

I go make my pipol stay for di land and dem go prosper. Doz wey dem dey koll “No-pity” before, I go pity for dem and doz wey dem dey koll “Nor bi my pipol,” I go sey, “Naw, una don bi my pipol”, den dem go ansa sey, “Na Yu bi awa God.”

John 1:12

But evribody wey receive and bilive en name, e go give dem di rite to bi God pikin.

Romans 8:19

Evritin wey God kreate for dis world, dey wait for God to show en shidren to di world.

2 Korintians 6:18

kon bi una Papa and una go bi my shidren.” Na so God wey get all di pawa, tok.

Hibru 11:12

So from dis one man wey en body don die finish, shidren wey plenty rish stars for sky and san for wotaside kon full evriwhere.