Hibru 9:15 - Holy Bible Nigerian Pidgin English

¹⁵ Na dis make am bi middo-man for di new kovenant, so dat pipol wey e koll go fit receive di propaty wey go dey forever. E promise us dis propaty, wen e die to free us from di bad-bad tins wey wi don do wen di first kovenant still dey.

Hibru 9:15 ပူးပေါင်းရင်းမြစ်များ

Psalms 37:18

God dey guide innocent pipol evriday and dem go get propaty wey go last forever.

Daniel 9:26

“ ‘Afta di sixty-two weeks, di Pesin wey God choose, go die and nor-tin go remain. Di ruler wey get pawa pass, go bring sojas kom distroy di town and di temple. Di end go rush kom like wota; e go bring war and distroshon, just as God plan am.

Matiu 19:29

And anybody wey leave en house, brodas, sistas, papa or mama and land bikos of mi, go get am back hundred times and e go get life wey nor dey end.

Matiu 22:3

E send en savant go koll di pipol wey dem invite kom di party, but dem nor gri kom.

Matiu 25:34

“Den di king go tell di pipol wey dey en rite hand, ‘Make una kom, una wey my Papa don bless and make una inherit di kingdom wey God prepare for una before di world start.

Matiu 25:36

I dey naked and una give mi klot wear, wen I nor well, una kare for mi, wen I bin dey prison, una kom visit mi.’

Mark 10:17

As Jesus dey waka for road, one man run kom meet am sey, “Good Tisha, wetin I go do make I for get life wey nor dey end?”

Luke 18:18

One day, one Jew oga ask Jesus, “Good tisha, wetin I go do to get life wey nor dey end?”

Luke 22:20

Like dat, Jesus still take di cup afta dem don chop finish kon sey, “Dis cup wey God give una, na di new agriment with my blood.”

John 10:28

I don give dem life wey nor dey end and dem nor go ever die. Nobody go fit take dem komot from my hand.

Acts 20:32

Naw, I leave una for God hand, so make en word wey get grace, keep una. Dis word wey get grace fit make una grow and get share with all God pipol.

Romans 5:10

Wi bi God enemies before, but E don make us en friends thru en Pikin deat. Naw, since wi don bi God friends, E go save us thru di life wey en pikin get.

Romans 5:6

For di time wen wi nor fit help awasef, Christ kon die for us wey bi sinnas.

Romans 5:8

But God show how en love for us big rish, wen E send Christ kom die for us, even doh wi still dey sin.

Romans 6:23

Bikos, di reward for sin, na deat, but God gift wey Jesus Christ dey give us, na life wey nor dey end.

Romans 8:28

And wi know sey evritin dey work for awa good, bikos wi love God and dey do wetin E wont.

Romans 8:30

Doz wey God don asept, na dem E koll; doz wey E koll, na dem E make raitious and E kon share en glory with dem.

Romans 9:24

Weda wi bi Jew or Gentile pipol, E don choose us.

2 Korintians 3:6

Na God make us fit do dem, so dat wi go serve di new kovenant; dis nor bi di law wey dem rite, but na di one wey koncern God Spirit, bikos di law wey dem rite dey bring deat, but di Spirit dey give life.

Galatians 3:20

Wi know sey pesin wey bi middo-man dey stand between two pipol, but na only one God dey.

Efesians 1:7

Na thru Christ blood wi take get salvashon and na dis blood make God dey forgive us awa sins, bikos en grace big well-well.

2 Tesalonians 2:14

E koll una enter en salvashon thru awa message, so dat una go fit get share for Christ glory.

1 Timoti 2:5

Bikos na only one God dey and na Jesus Christ wey kom as human being, bi di pesin wey dey bring God and human being togeda.

2 Timoti 2:10

So I dey ready to bear di sofa, as long as e go save doz wey God don choose inside Christ with glory wey go dey forever and ever.

Titus 1:2

Di trut dey give dem di mind sey dem get life wey nor dey end and na God wey nor fit lie promise dem dis life even before E kreate di world.

Titus 3:7

Since Christ grace don make us klean for God eye, wi don bi pipol wey dey wait for di life wey nor go end and wi dey sure sey, wi go get am.

Hibru 10:34

True-true, una sofa like oda prisonas and una dey happy wen dem seize all una propaty, bikos una know sey una get betta tin wey go last forever.

Hibru 10:36

Una nid to dey patient, so dat una go fit do wetin God wont and den, una go receive en promise.

Hibru 11:13

All of dem faith still strong wen dem die and dem nor get di tins wey God promise dem, but dem si and welkom di tins from far and dem gri sey, dem diasef na strenja for dis world.

Hibru 12:24

Una don kom meet Jesus, di pesin wey God use take start di new kovenant with en pipol and una don kom meet di blood wey dem spray and dis blood dey tok betta word wey pass Abel own.

Hibru 13:20

God wey get peace, di Pesin wey use di everlastin kovenant blood bring awa Oga God Jesus Christ kom back from deat; awa Oga God wey dey look di sheep,

Hibru 2:14

So as di shidren get flesh and blood, en too get flesh and blood like dem, so dat thru deat, e go fit distroy Satan wey get pawa to kill

Hibru 3:1

My brodas and sistas wey God choose, make una tink about dis Jesus wey God send kom and na-im bi di High Priest wey wi bilive.

Hibru 6:13

Nobody big pass God, bikos God swear with en name wen E promise Abraham sey,

Hibru 6:15

Bikos Abraham get patient, God kon gi-am wetin E promise am.

Hibru 7:22

Bikos God swear like dis, Jesus don make us dey sure of di new kovenant wey betta pass.

Hibru 8:13

Wen God tok about di new kovenant, E mean sey di first one nor matter again. And anytin wey don old and nor get use again, go soon disappear.

Hibru 9:12

Na wons Jesus enter di place wey holy pass. E nor enter with goat or ram blood, but na with en own blood, so e don save us forever and ever.

Hibru 9:16

Dis kind agriment bi like pesin will. Di pesin must die first, before dem go fit use di will.

Hibru 9:28

na so too Christ die wons, as sakrifice to forgive pipol forever and naw, e go bring salvashon to doz wey dey wait for am.

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

1 Pita 3:18

Bikos of sin, Christ sofa. En wey nor do bad, sofa for doz wey do bad, so dat e go karry us go meet God. And wen dem kill-am, e wake-up as spirit.

1 Pita 5:10

Afta una don sofa small, God wey koll una with en grace enter en glory for Christ, go make una komplete, una leg go strong and una go get pawa.

1 John 2:25

Dis na di promise wey Christ ensef promise us sey, di life wey e go give, nor go ever end.

Revelashon 5:9

Dem kon dey sing new song sey: “Yu holy rish to take di book kon open di keys, bikos dem kill yu and na yor blood save all God pipol from evry tribe, language, group and kountry.