Hibru 7:18 - Holy Bible Nigerian Pidgin English

¹⁸ Bikos of dis, God put di old law for korna, since e dey weak and yuzles,

Hibru 7:18 ပူးပေါင်းရင်းမြစ်များ

Acts 13:39

True am, evribody wey bilive, go dey free from evritin wey Moses Law nor fit free dem from.

Romans 3:31

So make wi trowey di law bikos of faith? No way! E nor go work! Instead, wi go make di law strong well-well.

Romans 8:3

Moses Law nor fit do dis tins, bikos di yeye life wey wi dey live don make di law weak. But God don free us wen E send en pikin kom like human being wey bi sina, make e for sakrifice ensef for awa sins.

Galatians 3:15

My brodas and sistas, make I use wetin dey happen evriday for life take make ezample for una: Wen pipol don make agriment, nobody go fit trow di agriment for korna or add anytin join am.

Galatians 3:17

Na wetin I dey tok bi dis: Di law wey kom afta four hundred and thirty years, nor get pawa to break di agriment and promise wey God and Abraham don make before.

Galatians 3:21

So di law dey against God promise? No! Bikos if di law dey give pesin life, den raitiousness go must kom thru di law.

Galatians 4:21

Make una tell mi, wish of una won dey under di law? Una nor know wetin di law tok?

Galatians 4:9

But naw wey una don know am (or abi make I sey God don know una), why una still dey follow all dis weak and yeye pawas? Una won bi dia slave again?

1 Timoti 4:8

Fisical trainin dey good, but na to know God good pass, bikos yu go get reward for dis life and di one wey dey kom.

Hibru 13:9

Make una nor let difren-difren prishin wey una nor know turn una head. Una spiritual pawa dey kom from God grace, nor bi from food wey dem sakrifice, bikos di sakrifice nor fit help pipol wey dey do am.

Hibru 7:19

bikos di law nor fit make anytin dey pafet. But naw, wi get betta hope wey go draw us near God.