Hibru 6:2 - Holy Bible Nigerian Pidgin English

² wetin baptizim mean; to put hand for pipol head; to wake pipol from deat and about God final judgement.

Hibru 6:2 ပူးပေါင်းရင်းမြစ်များ

Ekklesiastes 12:14

For evritin wey wi dey do, make wi know sey God go judge us; even di ones wey wi do for sekret, weda dem dey good or bad.

Isaya 26:19

God pipol wey don die, go kom back to life! Dia body go raiz-up again. So, all of una wey dey grave, make una wake-up kon shaut with happiness, bikos una go grow well like grass wey dew fall put and di eart go bring back evritin wey don die.”

Daniel 12:2

Many pipol wey don die go raiz; doz wey dey holy go get life wey nor dey end, while odas go sofa forever.

Matiu 28:19

So make una go make pipol my disciples for di whole world, dey baptize dem with di Papa, di Pikin and di Holy Spirit name,

Matiu 3:14

But John won kon stop am sey, “Na yu suppose baptize mi, instead yu kom meet mi make I baptize yu?”

Mark 16:16

Anybody wey bilive and dem baptize am, God go save am, but anybody wey nor bilive, God go kondemn am.

Mark 7:4

And wen dem kom back from market, dem nor dey chop unless dem first wosh dia hand. Dem still dey follow many oda tradishons, like to wosh cup, kettol and chair wey dem dey sidan put chop.)

Mark 7:8

Dem nor dey respet God law, but dem dey obey human being law.’ ”

Luke 11:38

Di Farisee sopraiz well-well wen e si sey Jesus nor first wosh-hand, before e bigin chop.

Luke 12:50

E get one baptizim wey dem go baptize mi and my mind nor go fit rest until e happen!

Luke 14:14

Den, God go bless yu, bikos dem nor go fit pay yu back, but na God go pay yu wen E go raiz en pipol from deat; di pipol wey do wetin E like.”

Luke 3:16

John ansa dem, “Na ordinary wota I take dey baptize una, but di pesin wey big pass mi, dey kom, I nor rish who go luz di rope wey dey en shoe. E go baptize una with di Holy Spirit and fire.

John 1:33

I nor know am before, but di pesin wey send mi kom baptize with wota tell mi sey, ‘Di pesin wey yu go si God Spirit kom stay on-top en head, na-im go baptize pipol with Holy Spirit.’

John 5:29

and di angels go kon separate di pipol wey do good tins, so dat dem go enter life wey nor dey end, but God go kondemn di pipol wey dey do bad tins.

Acts 10:47

“Anybody go fit sey make wi nor baptize all dis pipol wey don receive di Holy Spirit, just like us?”

Acts 13:3

Afta dem don fast and pray finish, dem pray for Banabas and Saul kon send dem go.

Acts 16:15

Afta en and en family don baptize, e kon beg us sey, “If una don asept mi as pesin wey bilive Christ, make una kon stay for my house.” So e beg us until wi gri.

Acts 16:33

Dat nite, di warda kon wosh all dia sore; den en and en family kon baptize.

Acts 17:18

So some wise men wey dey learn Epikurean and Stoik kon dey tok with am and some sey, “Wetin dis mumu and toku-toku tink sey e know wey e won tell us?” Some still sey, “E bi like sey e dey prish about some gods from anoda tribe.” (Dem tok so, bikos e dey prish di Good News about Jesus Christ and en resureshon.)

Acts 2:38

Pita ansa dem, “Make una turn from sin kom meet God one-by-one and make dem baptize una with Jesus Christ name, so dat God go forgive una, den una go fit receive di Holy Spirit.

Acts 2:41

So, dem baptize all of dem wey bilive wetin e prish and dem rish 3,000 pipol wey join dem dat day.

Acts 23:6

Den wen Paul know sey some pipol wey dey der na Sadusi and odas na Farisees, e kon shaut make di whole kansol hear, “My brodas, I bi Farisee, na Farisee pesin born mi. Dem dey judge mi today, bikos I put hope sey pipol wey don die go wake again!”

Acts 24:15

I get hope for God (di kind one wey dis men get too) sey one day, pipol wey don die, weda na bad or good pipol, go wake-up.

Acts 24:21

bikos if e pass dis one, I go shaut as I stand for dia front sey, ‘Una dey judge mi today, bikos I bilive sey pipol wey don die, go wake-up.’ ”

Acts 24:25

Fear katch Felix, as Paul dey tok about di Good News, sef kontrol and how God judgement go take kom, so e kon tell Paul, “Make yu go first, wen I get time, I go sey make dem bring yu kom again.”

Acts 26:8

Why una tink sey God nor fit raiz pipol wey don die?

Acts 4:2

Dem dey vex, bikos Pita and John dey tish di pipol sey, na only thru Jesus Christ, pipol go fit wake-up from deat.

Acts 6:6

Dem show dem to di apostles. Di apostles put hand for dia head kon pray for dem.

Romans 2:16

So just as I prish give una, na so e go bi for dat day, wen God go judge all di sekret tins wey dey pipol heart thru Jesus Christ wey bi en pikin.

1 Korintians 10:2

Na der dem for baptize dem wen dem dey follow Moses wey bi God savant.

1 Korintians 12:13

Some pipol among us na Jew and odas na Gentile. Some na slave and odas dey free. But God Spirit baptize us kon make us part for Jesus Christ body. Naw, all of us dey drink from dat same Spirit.

2 Korintians 5:10

Bikos all of us must stand for Christ front and e go judge us akordin to di tins wey wi do wen wi dey dis eart; weda dem good or bad.

Filippians 3:21

E go use en pawa wey make am Oga God for evritin, take shange dis awa ordinary body and awa body go kon bi like en own wey get glory.

Kolossians 2:12

Bikos wen dem baptize una, dem beri una with am and una follow am raiz-up thru di faith wey God pawa dey give and na dis God raiz am up.

2 Timoti 2:18

Dem leave di trut kon dey sey resureshon don happen already and like dis, dem don make some pipol fall from di faith.

Hibru 11:35

Some wimen wey dia pipol don die, na faith make dem receive dem back, alive. Some pipol rijet freedom kon die for sofa, so dat dem go fit wake-up from deat and enter life wey betta pass dis one.

Hibru 9:10

To chop, drink and to do serimony take klean pesin body, na-im koncern dem. All dis one na rule for dis world, until di time wen God go bring di new law.

2 Pita 3:7

Na di same word God take keep dis heaven and eart dey wait for fire wey go kom. E keep dem dey wait Judgement day. Di day wen E go distroy di pipol wey nor dey fear am.