Hibru 4:2 - Holy Bible Nigerian Pidgin English

² Bikos dem prish God word give us, just as dem prish am give dem too. But dem nor take am sirious, bikos wen dem hear am, dem nor gri bilive am.

Hibru 4:2 ပူးပေါင်းရင်းမြစ်များ

Acts 13:46

Paul and Banabas kon use boldness take ansa dem, “E good sey na una wi first prish God word give. But since una rijet am and una nor ready to get life wey nor dey end, wi go-go prish give Gentile pipol.

Acts 3:26

So God don raiz en savant and E don send am give una, make e for bless and help una turn from sin kom meet am.”

Romans 2:25

Sekonsishon get value only if yu dey do wetin di law tok, but if yu nor dey obey di law, yu and di pesin wey dem neva sekonsaiz na di same.

Romans 3:3

But wot if some for dem nor gri bilive? Dat mean sey God dey lie?

1 Korintians 13:3

If I give pipol evritin wey I get kon sey make dem burn mi alive, but I nor love odas, I nor go gain anytin.

Galatians 3:2

Na di tin wey I won know from una, bi dis: Una receive di Spirit, bikos una dey do wetin di law tok or na bikos una bilive wetin wi prish give una?

Galatians 3:8

Dem rite for God word before sey, “E go asept Gentile pipol, wen dem get faith” and na dis make am tell Abraham before di time rish sey, “E go bless evribody, bikos of am.”

Galatians 4:13

But wen I first prish di gospel give una, una know sey I nor well,

Deutronomi 1:32

But even afta evritin wey E do, una nor gri trust di Oga wey bi una God,

1 Tesalonians 1:5

Nor bi only thru ordinary word wi take prish di gospel give una, but na with di Holy Spirit pawa and wi show sey, evritin wey e tok, na true. Una know how wi dey live and help una.

1 Tesalonians 2:13

Wi still dey tank God evritime, bikos wen una asept God message wey una hear from us, una nor asept am like sey na human being message, but una asept am as God message and true-true na God message e bi and God dey work inside una wey don bilive.

1 Timoti 4:8

Fisical trainin dey good, but na to know God good pass, bikos yu go get reward for dis life and di one wey dey kom.

Hibru 11:6

Nobody fit make belle sweet God without faith, bikos anybody wey dey kom meet am, must bilive sey, E dey alive and E dey reward pipol wey dey find am si.

Hibru 3:12

Make una make sure sey non of una get bad mind wey go make una nor bilive, so dat una nor go turn against God wey nor dey die.

Hibru 4:6

God promise sey wi go enter di place where en rest dey, yet doz wey first hear di message, nor enter, bikos dem disobey am.

James 1:21

So make una remove una hand from evry dirty and wiked tins kon put una body down to asept God word wey dem don plant inside una, bikos e get pawa to save una soul.

1 Pita 1:12

Dem show sey nor bi demsef dem dey work for, but na for una, bikos una hear dis matter from di apostles thru di Holy Spirit pawa wey kom from heaven. Even angels dey wish sey dem know dis tins.