Hibru 3:12 - Holy Bible Nigerian Pidgin English

¹² Make una make sure sey non of una get bad mind wey go make una nor bilive, so dat una nor go turn against God wey nor dey die.

Hibru 3:12 ပူးပေါင်းရင်းမြစ်များ

Jenesis 8:21

Di ofrin smell kon make belle sweet God, so E tell ensef, “I nor go ever curse di eart again, bikos of wetin human being do; even doh I know sey since wen I kreate dem, na only bad tins dem dey tink. I nor go ever distroy evritin wey get life as I don do so.

Job 21:14

Dem dey tell God sey ‘Leave us! Wi nor won serve or follow Yu.’

Job 22:17

Dis na di pipol wey rijet God, dem bilive sey E nor fit do dem anytin.

Psalms 18:21

bikos I dey always keep en kommand. I neva ever turn from my God kon follow evil.

Proverbs 1:32

Pipol wey nor know anytin, dey die bikos dem rijet wisdom and distroshon go follow doz wey bi fool, bikos dem feel sey wisdom nor koncern dem.

Isaya 59:13

Wi don fight, rijet and refuse to follow Yu. Wi opress odas kon turn from Yu. All wetin wi dey tok and tink, na lie dem bi.

Jeremaya 11:8

But dem nor gri listin or obey mi. Instead, dem dey do as dia sturbon and wiked heart tell dem. Na dis make mi curse dem, bikos of my kovenant and dem nor gri do wetin I kommand.”

Jeremaya 16:12

And naw, una sin even worse pass dia own. All of una sturbon, wiked and nor dey obey mi.

Jeremaya 17:5

God sey, “I go curse di pipol wey leave mi kon go trust human being. Pipol wey depend on flesh and blood for dia pawa.

Jeremaya 17:9

Na wikedness full human being mind and e bad well-well. Na who go fit undastand am?

Jeremaya 18:12

But dem go sey, ‘No! Wetin go make us shange? Wi go do anytin wey wi wont! Awa heart strong and wi go do all di wiked tins wey wi wont.’ ”

Jeremaya 2:13

bikos my pipol don kommit two difren sin against mi: dem don leave mi wey bi di spring wey dey give dem fresh wota and dem dig one well for diasef wey nor fit keep and gada wota.

Jeremaya 3:17

Wen dat time rish, pipol go know Jerusalem as ‘God Throne’ and all di nashons go gada kom woship mi for der. Dem nor go do wetin dia sturbon and wiked heart sey make dem do again.

Jeremaya 7:24

But dem nor gri listin or hear mi. Dem dey do wetin dia sturbon and wiked heart sey make dem do. Instead make dem dey betta, dem kon worse pass as dem bi before.

Ezekiel 14:5

All dis juju don make Israel pipol turn from mi, but afta I don ansa dem, I bilive sey dem go turn back kom meet mi.

Hosea 1:2

Wen God first tok to Israel pipol thru Hosea, E tell am, “Make yu go marry ashawo and just as my pipol don leave mi and nor dey faithful to mi, na so too yor wife nor go dey faithful to yu and e go born shidren wey nor go know dia papa.”

Matiu 16:16

Simon Pita ansa, “Yu bi di Mezaya, God Pikin wey dey alive.”

Matiu 24:4

Jesus ansa dem, “Make una shine una eye, so dat nobody go fit deceive una.

Mark 13:23

Make una take kare! I don tell una evritin before di time go rish.”

Mark 13:33

Make una dey wosh and shine una eye, bikos una nor know wen di time go rish.

Mark 13:9

“Make una shine una eye. Dem go take una go kourt and dem go beat una for sinagog. Bikos of mi, una go stand for govnors and kings front, so dat una go fit tell dem about mi.

Luke 21:8

Jesus ansa, “Make una shine una eye, so dat nobody go deceive una. Bikos many pipol go kom prish with my name sey, ‘Na mi bi Jesus’ or ‘Di time don near.’ Make una nor follow dem!

Romans 11:21

If God nor sorry for Israel pipol wey bi di natural branches, una tink sey E go sorry for una if una sin?

1 Korintians 10:12

So pesin wey tink sey e stand, make e take kare, if not, e go fall.

Kolossians 2:8

Make una take kare and nor let anybody fool una with wayo tok about human being wisdom and spiritual pawas wey dey rule di world, but make una dey do as Christ wont.

1 Tesalonians 1:9

Pipol dey tok about how una welkom us and leave di juju wey una dey serve before kon follow di true God wey get life.

Hibru 10:31

Na big wahala if pesin fall enter God ponishment!

Hibru 10:38

My raitious pipol go live and bilive, but if anybody turn back, I nor go dey happy with am.”

Hibru 12:15

Make una make sure sey nobody turn back from God grace and make nobody get bad belle and kause trobol wey go make pipol sin.

Hibru 12:22

Instead, una don kom Mount Zion; di town where God dey stay; di Jerusalem for heaven where tazon angels dey. Una don enter di assembly,

Hibru 12:25

Make sure sey una dey obey di Pesin wey dey tok to una! Bikos if Israel pipol wey nor gri hear dia oga Moses word for eart nor eskape, how wi go fit eskape, if wi nor gri hear di Pesin wey dey tok to us from heaven?

Hibru 3:1

My brodas and sistas wey God choose, make una tink about dis Jesus wey God send kom and na-im bi di High Priest wey wi bilive.

Hibru 3:10

I vex well-well for dat generashon, so I kon tell dem, ‘Una heart nor dey with mi and una nor gri obey wetin I tok.

Hibru 3:19

So for dat time, doz pipol nor enter di land wey God promise dem, bikos dem nor bilive am.

Hibru 9:14

wot of Christ blood wey klean us from deat, so dat wi go fit woship God? Dis na di Christ wey offa ensef to God as di rite sakrifice for awa sins and e do am with di Holy Spirit pawa.