Hibru 13:5 - Holy Bible Nigerian Pidgin English

⁵ Make una nor love money and make wetin una get rish una, bikos God sey, “I nor go ever leave or abandon yu.”

Hibru 13:5 ပူးပေါင်းရင်းမြစ်များ

Jenesis 28:15

I go dey with yu! I go guide yu for anywhere wey yu dey go kon bring yu kom back to dis land. I nor go leave yu until I don do wetin I promise yu!”

Jenesis 30:31

So Laban ask, “Wetin yu wont make I give yu?” Jakob ansa, “Yu nor nid to give mi anytin, but if yu gri with dis one tin, I go kontinue to kare and guide yor animals:

Jenesis 31:5

and e tell dem, “E klear sey una papa nor like mi again. But di God wey bi my papa God always dey with mi.

1 Kings 6:13

I go stay with my pipol Israel and I nor go ever abandon dem.”

1 Kings 8:57

Make di Oga wey bi awa God dey with us as E bin dey with awa grand-grand papa dem and make E nor leave or abandon us.

1 Kronikles 28:20

David tell Solomon en pikin, “Make yu nor fear, but start di work with strong heart and nor let anytin stop yu. God wey I dey serve, go dey with yu. E nor go abandon yu, but E go stay with yu till yu finish di temple and evritin wey go dey inside.

Psalms 10:3

Bikos dem dey make mout about di evil tins wey dem dey do. Yes! Dem dey praiz pipol wey get long-trot and dey curse God.

Psalms 119:36

Instead of to dey love money, make Yu let mi dey worry to know yor laws!

Psalms 37:25

Bikos since wen I dey yong kon rish naw wey I don old, I neva si God leave doz wey dey fear am or allow dia shidren go beg for food.

Psalms 37:28

Bikos God like to dey judge well and E nor go ever leave doz wey dey fear am.

Exodus 2:21

Moses agri to stay with dem and di man kon give en dota, Zipporah to Moses as en wife.

Exodus 20:17

Make una nor get long-trot for una neighbour propaty; en wife, savants, melu, donkey or anytin wey bi en own.”

Proverbs 23:4

As yu dey try to get money, make yu use yor sense, so dat life nor go taya yu,

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 41:17

Wen poor pipol and doz wey dem dey opress dey look for wota bikos dia trot don dry, den mi, wey bi God go ansa dem. Israel God nor go ever abandon dem.

Isaya 42:16

I go lead doz wey nor dey si, pass di road wey dem neva travel pass before. I go turn dia darkness to lite kon make rof road smooth for dem. Dis na wetin I promise and I go do dem; I nor go fail.

Jeremaya 6:13

Bikos both rish and poor pipol dey make money with wayo. Even profets and priests join dem dey deceive pipol too.

Ezekiel 33:31

So all di pipol gada kom listin to yu, but dem nor gri do wetin yu tell dem. Dem sey dem dey do di rite tin, but dem dey always dey shit and tif pipol money.

Matiu 6:19

“Make una nor just gada propaty for dis world, bikos siti-siti go chop dem or dem go rust or tif fit enter inside di house tif dem.

Matiu 6:25

“So I tell una, make una nor worry about una life, wetin una go chop or drink and wetin una go wear for body. Life nor big pass food? Abi body nor betta pass klot?

Matiu 6:34

So make una nor worry about tumoro, bikos tumoro get en own wahala. Today trobol don do.”

Mark 7:22

to sleep with anoda pesin husband or wife, long-trot, evil tins, to deceive pesin, to dey misbihave, jealousy, to spoil anoda pesin, to karry body up and to do foolish tins, na from inside pesin heart all dis bad-bad tins dey from kom.

Luke 3:14

Den some sojas kon still ask am, “Wot of us? Wetin wi go do?” E tell dem, “Make una nor use force kollect money from anybody hand or lie for anybody head and make una salari, rish una.”

Luke 8:14

Di seeds wey fall for shuku-shuku, na di pipol wey hear God word, but wahala, plenty propaty and jolly-jolly for dis world kon shuk dem, so di fruit nor even ripe.

Romans 1:29

Wetin full dia mind na wikedness, evil tins, long-trot, bad belle, bad-bad tins; jealousy, to kill and fight, to lie, to keep enemy with pipol, to judge pipol waka,

1 Korintians 5:11

But naw, I dey rite to una sey, pipol wey sey dem bi Christians and dem dey do bad tins, make una nor follow dem make friend. Make una nor even chop with dat kind pesin.

1 Korintians 6:10

tif; long-trot; drunkard; doz wey dey curse pipol and doz wey dey play wayo; non of dem go enter God kingdom.

2 Korintians 4:9

pipol dey ponish us, but God nor let us die; dem dey nak us for groun, but dem nor fit distroy us.

Efesians 5:3

To dey sleep with pesin wey yu nor marry; dey do tins wey nor dey pure and get long-trot, make una nor allow dis tins dey among una, bikos dem nor good for God pipol.

Efesians 5:5

One tin wey una must know bi sey, pesin wey dey sleep with who e nor marry; wey nor dey pure or wey get long-trot and dey serve juju, nor go enter Christ and God kingdom.

Deutronomi 31:6

Make una dey strong and make una heart nor shake; make una nor fear dem at-all, bikos na di Oga una God dey go with una. E nor go leave or forget una.”

Deutronomi 31:8

God go-go for yor front. E go dey with yu; E nor go leave or forget yu. Make fear nor katch yu and make di work nor taya yu.”

Deutronomi 4:31

(bikos E dey sorry for pipol), E nor go let una fall or distroy una, bikos E nor fit forget di kovenant wey E make with una grand-grand papa dem.

Kolossians 3:5

So make una kill evry bad karata wey dis world dey bring: Like to dey sleep with pesin wey una nor marry; dey bihave anyhow; follow dis world tins; dey do bad tins; long-trot and to serve juju.

1 Timoti 3:3

Make e nor bi drunkard or pesin wey like to fight; but e must dey gentol. Make e nor bi pesin wey like to kworel or love money.

Joshua 1:5

Nobody go fit stop yu still yu die. I go dey with yu as I dey with Moses. I nor go forget or leave yu.

Joshua 7:21

From di tins wey wi karry from Jeriko, I si one fine klot from Babilon, with two silva koin and one gold wey heavy rish fifty fit. I like dem, so I take dem. I hide dem under di groun for my tent centre.”

2 Pita 2:14

Wetin dem like pass, na to sleep with who dem nor marry; dem nor dey taya to sin and dem dey draw doz wey dia faith nor strong, follow body. Dem don train dia mind to get long-trot and God don curse dem.

2 Pita 2:3

and dis tishas go deceive una with dia wayo. God don kondemn dem tey-tey and Christ wey go distroy dem, nor dey sleep.

Jude 1:11

Curse dey dia head! Bikos dem dey bihave like Kain and bikos of long-trot, dem dey do di mistake wey Balaam do. So dem go must die like Korah, wey disobey God.

1 Samuel 10:7

Wen dis signs don happen, make yu do anytin wey yu fit do, bikos God go dey with yu.

1 Samuel 12:22

God nor go leave en pipol, bikos E don make promise with una grand-grand papa. God happy to make una en own pipol.