Hibru 13:2 - Holy Bible Nigerian Pidgin English

² Make una always dey welkom strenja for una house, bikos like dis, some pipol don welkom angel enter dia house and dem nor know.

Hibru 13:2 ပူးပေါင်းရင်းမြစ်များ

Jenesis 18:1

God appear to Abraham near Mamre oak tree as e sidan for front of en house for one hot aftanoon.

Jenesis 19:1

Di two angels kon rish Sodom for evening and dat time, Lot sidan for di town gate. Wen Lot si dem, e get up go meet dem kon bow face groun.

2 Kings 4:8

One day, Elisha go Shunem, where one woman wey get money dey stay. Di woman kon sey make Elisha kom chop for en house, so wen ever Profet Elisha dey go Shunem, e go stop chop for der.

Job 31:19

If I si pesin wey nor get at-all; wey won die, bikos e nor get wetin to wear,

Job 31:32

Doz wey dey travel, I dey koll dem enter my house and I nor dey let dem travel or sleep for road wen nite rish.

Isaya 58:7

Make una share una food with pipol wey dey hongry kon open una door for poor pipol wey nor get house. Den give klot to pipol wey nor get anytin to wear and help una own rilashons.

Levitikus 19:34

Make una trit dem as una go trit una fellow Israel pesin. And make una love dem as una love unasef. Make una remember sey, una bi strenja for Egypt before. Na mi bi di Oga una God.

Matiu 25:35

Wen I dey hongry, una give mi food, wen I dey thirsty, una give mi sometin drink and wen I bi strenja, una let mi enter una house.

Matiu 25:40

“Den di king go ansa, ‘I tell una true word, just as una do am give di pesin wey small pass among my brodas and sistas, una don do am for mi.’

Matiu 25:43

Di time wen I bi strenja, una nor let mi enter una house, wen I dey naked, una nor give mi klot wear, wen I nor well and dey for prison, una nor kom visit mi.’

Acts 16:15

Afta en and en family don baptize, e kon beg us sey, “If una don asept mi as pesin wey bilive Christ, make una kon stay for my house.” So e beg us until wi gri.

Romans 12:13

Make una give food to God pipol wey dey hongry and make una dey welkom dem for una house.

Romans 16:23

Gaius, wey dey kare for mi and di church, dey greet una. Erastus wey bi di town treasurer and awa broda Kwartus, dey greet una.

1 Timoti 3:2

Leader for church must bi pesin wey nor get fault; wey get only one wife; fit kontrol ensef; get sense and respet; dey welkom pipol and e bi good tisha.

1 Timoti 5:10

Evribody go know am for di good work wey e dey do sey: e don train shidren; dey welkom strenjas; dey serve God pipol; dey help doz wey nor get and e dey do difren good work.

Titus 1:8

Instead make e dey welkom strenjas for en house; love wetin dey good and e must get sense; make e nor dey put hand for bad tin; e must dey holy and fit kontrol ensef.

1 Pita 4:9

Make una welkom pipol for una house without komplain.

3 John 1:5

My friend, di tins wey yu dey do for awa brodas wey yu nor even know, good well-well.