Hibru 13:13 - Holy Bible Nigerian Pidgin English

¹³ Wi must go meet am for outside di kamp kon share di shame with am.

Hibru 13:13 ပူးပေါင်းရင်းမြစ်များ

Matiu 16:24

Den Jesus tell en disciples, “If anybody won follow mi, e must deny ensef, karry en cross and follow mi.

Matiu 27:32

As dem dey go outside, dem si one man from Sirene wey en name na Simon and dem kon force am make e karry Jesus Christ cross.

Matiu 5:11

“God go bless una wey pipol dey curse, dey sofa and lie for una head, bikos of mi,

Luke 6:22

Una wey pipol hate, rijet, curse and dey koll bad pipol bikos of Man Pikin, God go bless una

Luke 9:23

So Jesus tell all of dem, “If pesin won follow mi, e must forget ensef, karry en cross evriday, dey follow mi.

Acts 5:41

So di apostles komot from der dey happy well-well sey God don give dem di shance to sofa, bikos of Jesus Christ.

2 Korintians 12:10

I dey happy as I dey weak with all di curse, trobols, ponishment and wahala wey I dey sofa bikos of Christ, bikos anytime wey I dey weak, na dat time, I dey-dey strong.

Hibru 11:26

E feel sey e betta make dem laf am, bikos of di Mezaya wey dey kom, instead make e dey enjoy di fine-fine tins for Egypt. E do like dis, bikos e put en eye for God reward.

Hibru 12:2

Make wi dey look Jesus Christ wey give us awa faith and go help us keep am. Bikos of di joy wey Jesus dey espect, e sofa for cross and nor mind di shame wey follow am. But naw, e don sidan for di rite hand side for God throne.

Hibru 12:3

If una dey tink how Jesus sofa for wiked pipol hand and how dem hate am, una mind go strong for faith.

Hibru 12:4

As una dey struggol make una nor for sin, una struggol neva rish to kill una as Christ die.

1 Pita 4:4

Naw, doz unbilivers dey sopraiz and curse una, bikos una nor dey follow dem do bad and wiked tins again.