Hibru 11:29 - Holy Bible Nigerian Pidgin English

²⁹ Na faith make Israel pipol cross di Red Sea like sey na dry land, but wen Egypt pipol try am, di wota swallow all of dem.

Hibru 11:29 ပူးပေါင်းရင်းမြစ်များ

Nehemaya 9:11

Yu divide di sea for yor pipol kon lead dem pass for dry groun. But Yu make di wota swallow di pipol wey dey porshu dem and dem kon sink like stone.

Psalms 66:6

E turn di Red Sea to dry land and en pipol kon dey happy as dem dey waka pass di dry groun.

Psalms 78:13

For der, E divide di sea kon take dem pass as di wota stand up like wall!

Exodus 14:13

Moses kon tell di pipol, “Make una nor fear! Make una get faith and una go si how God go take save una; bikos dis Egypt sojas wey una dey si today so, una nor go ever si dem again.

Exodus 14:22

So Israel pipol waka pass di sea for dry groun; di wota kon form wall for dia rite and left side.

Exodus 14:27

So Moses stresh en hand face di sea and wen morning rish, di sea don go back to di way e bi before. For dis time, Egypt sojas try to run from di wota, but God kill all of dem inside di sea.

Joshua 2:10

Bikos wi hear as God dry di Red Sea for una wen una komot from Egypt and how una handle di two Amor kings wey bi Sihon and Og, for di oda side for Jordan River.