Hibru 11:1 - Holy Bible Nigerian Pidgin English

¹ Faith na wen wi dey sure sey wetin wi dey hope for go happen and wi sure sey, di tins wey wi neva si, go kom.

Hibru 11:1 ပူးပေါင်းရင်းမြစ်များ

Psalms 27:13

But where I for dey naw, if to sey I nor bilive sey God go favor mi for dis land wey wi dey?

Psalms 42:11

Wetin make mi nor get hope? Wetin make my heart nor dey happy at-all? But I go still put my hope for God hand! I go still dey praiz am, bikos na-im bi my Savior and God!

Acts 20:21

I dey prish give Jew and Greek pipol sey make dem turn from sin kom meet and serve God and put dia faith for awa Oga God Jesus Christ.

1 Korintians 13:13

And naw wi get faith, hope and love. But di one wey big pass for di three, na love.

2 Korintians 11:17

Wetin I dey boast about so, nor bi as Christ wont make I boast, instead, I dey tok like fool.

2 Korintians 4:18

Wi nor dey look for wetin eye fit si, but na wetin eye nor fit si. Bikos wetin eye fit si nor go last, but di tins wey eye nor fit si, dey last forever.

2 Korintians 5:17

So, if any man dey inside Christ, e don dey new, Christ don klean di bad tins wey e do before and evritin don turn to new one!

2 Korintians 5:7

bikos wi dey live awa life with faith, nor bi with wetin wi dey si.

2 Korintians 9:4

But if anybody for Masidonia follow mi kom meet una, den e si sey una neva ready to give, shame go katch us, (I nor go tok too mush) bikos wi trust una.

Galatians 5:6

For Christ, e nor matter weda dem sekonsaiz pesin or not; di only tin wey matter, na faith wey dey work thru love.

Titus 1:1

Na Paul, wey bi Jesus Christ apostle and God savant rite dis leta to help pipol wey God don choose, so dat dia faith go strong kon know di trut wey go help dem live di kind life wey God wont.

Hibru 10:22

So make wi draw near God with betta heart and strong faith, bikos God don wosh awa heart and body with klean wota.

Hibru 10:39

Wi nor dey among pipol wey go turn back kon perish, but wi get faith wey go save us forever.

Hibru 11:13

All of dem faith still strong wen dem die and dem nor get di tins wey God promise dem, but dem si and welkom di tins from far and dem gri sey, dem diasef na strenja for dis world.

Hibru 11:27

Na di same faith make Moses komot from Egypt and e nor fear di king vexnashon, bikos e get hope for God wey ordinary eye nor fit si.

Hibru 11:7

Na faith make Noah build ark afta God warn am about wetin go happen. E obey wetin God tok and na di ark save en and en family. Na di same faith Noah take kondemn di world, kon inherit di raitiousness wey dey kom.

Hibru 2:3

Wetin make us sey wi go dey free if wi nor listin to dis korrect salvashon message? Na God first tok am and pipol wey hear am kon show us sey na trut.

Hibru 3:14

Bikos wi go bi Jesus Christ friend, if wi whole awa faith strong go rish di end.

Hibru 3:6

But as God Pikin, Jesus dey faithful for God house. So wi too go get share for di house if wi bilive and get konfident for awa hope wey dey inside Christ.

Hibru 6:12

So make any of una nor taya, but make una dey patient and bilive, so dat una go gain God promise.

2 Pita 1:1

Na mi Pita wey bi Jesus Christ savant and apostle, rite dis leta to di pipol wey get di same faith wey wi get. God give una dis faith, bikos of en raitiousness wey kom thru awa Oga God and Savior, Jesus Christ.