Hibru 10:36 - Holy Bible Nigerian Pidgin English

³⁶ Una nid to dey patient, so dat una go fit do wetin God wont and den, una go receive en promise.

Hibru 10:36 ပူးပေါင်းရင်းမြစ်များ

Psalms 37:7

So, make yu wait for God with patient! Make yu get mind as yu dey wait am! Make yu nor worry about wiked pipol wey dey prosper or fear, bikos of wetin dem get.

Psalms 40:1

I wait with patient make God kon help mi, and E turn kon hear my kry.

Matiu 10:22

Evribody go hate una bikos of mi. But anybody wey fit bear rish di end, God go save am.

Matiu 12:50

Pesin wey do wetin my Papa for heaven wont, na dat pesin bi my broda, sista and mama.”

Matiu 21:31

“Wish of di two shidren do wetin dia papa wont?” Dem ansa, “Na di first one.” Jesus kon tell dem, “I tell una true word, tax kollectors and ashawo dem go first una enter God Kingdom!

Matiu 24:13

But God go save di pesin wey go bear go rish end.

Matiu 7:21

“Nor bi evribody wey dey koll God, ‘Oga God, Oga God’, go enter God Kingdom, but na only di pipol wey dey do wetin my Papa for heaven wont.

Mark 3:35

Bikos anybody wey do wetin God wont, na-im bi my broda, sista and mama.”

Luke 21:19

So, if una stand rish di end, God go save una.”

Luke 8:15

But di seeds wey fall for betta groun, na di pipol wey hear God word, hold am with betta mind, dey obey God and bear wahala, so dem kon bear plenty fruit.”

John 7:17

Anybody wey ready to do wetin God wont, di pesin go know weda wetin I dey tish na from God or na my own.

Acts 13:22

Afta God remove am, E kon make David dia king. Na dis man God tok about sey, ‘I don si David, Jesse pikin, di man wey I like well-well and e go do evritin wey I wont.’

Acts 13:36

Bikos David, afta e don do wetin God send am kon do among en pipol, e kon die and dem beri am with en grand-grand papa dem and e rotin,

Romans 12:12

Make una let una hope give una happiness. Make una dey patient wen trobol kom and nor stop to pray.

Romans 12:2

Make una nor bi like pipol for di world, but make una allow God shange una mind, den una go know how to serve God and do tins wey dey make belle sweet am.

Romans 2:7

God go give life wey nor dey end to di pipol wey dey do good, wey wont glory, honor and long life.

Romans 8:25

But if wi put hope for wetin wi nor fit si, wi go take all awa mind wait for am with patient.

1 Korintians 13:7

Love dey bear evritin and e get faith, hope and patient.

Galatians 6:9

So make to do good, nor taya us, bikos wen time rish, wi go gain am.

Efesians 6:6

Make una nor bi like pipol wey dey do dia work wen dem si sey, pesin dey look dem; bikos dem dey fine good face. Instead, as una bi Christ savant, make una dey do wetin God like from una heart.

Kolossians 1:11

Wi still dey pray sey una go dey strong with God pawa wey get glory. Una go show sey una dey patient and get strong mind for God work with happiness.

Kolossians 3:24

bikos una know sey na Christ una really dey serve and una know sey E go reward una.

Kolossians 4:12

Epafras, wey bi one among una and Christ savant, dey greet una. E dey pray well-well for una, so dat una leg go strong for groun and una go grow as una dey learn di tins wey God wont.

1 Tesalonians 1:3

Wi remember di work wey una don do thru faith and as una dey bear bikos of di hope wey una get about awa Oga God Jesus Christ.

Hibru 11:39

God praiz all of dem for dia faith, yet dem nor still get wetin God promise.

Hibru 12:1

Since wi get many witness wey surround us, e good make wi drop evry load and sin wey dey make us fall, so dat wi go use awa mind live di life wey God wont.

Hibru 13:21

make E give una evritin wey una nid to do wetin E wont. Anytin wey good for en eye, make E do am inside us thru Jesus Christ. Make all glory bi Jesus Christ own forever and ever. Amen!

Hibru 6:12

So make any of una nor taya, but make una dey patient and bilive, so dat una go gain God promise.

Hibru 6:15

Bikos Abraham get patient, God kon gi-am wetin E promise am.

Hibru 6:17

So wen God won show en pipol sey E nor go break en promise, E kon swear with ensef.

Hibru 9:15

Na dis make am bi middo-man for di new kovenant, so dat pipol wey e koll go fit receive di propaty wey go dey forever. E promise us dis propaty, wen e die to free us from di bad-bad tins wey wi don do wen di first kovenant still dey.

1 Pita 1:9

Una still get wetin make una faith strong and na dis bi di salvashon wey una soul get.

1 John 2:17

And dis world don dey fade with di tins wey pipol wont, but di pesin wey dey do wetin God wont, go dey forever.

Revelashon 13:10

Anybody wey dem suppose to katch, dem go katch am. Anybody wey swod go kill, dem go kill-am with swod. So, God pipol must bear well-well and get faith.

Revelashon 14:12

Dis mean sey, God pipol go bear well-well, bikos dem dey obey en kommandment and get faith for Christ.