Hibru 10:12 - Holy Bible Nigerian Pidgin English

¹² But naw, Christ offa only one sakrifice for sin wons and for all, den e kon go sidan for God rite hand,

Hibru 10:12 ပူးပေါင်းရင်းမြစ်များ

Psalms 110:1

Di OGA tell my Oga God, “Make Yu sidan for where honor dey for my rite hand, until I don put all yor enemies under yor leg.”

Mark 16:19

Afta Jesus don tok to dem finish, God kon karry am go heaven and e sidan for God rite side.

Romans 8:34

Who bi di pesin wey go kondemn us? Na Jesus Christ wey die for us; di pesin wey God raiz from deat and naw, e dey for God rite hand side dey pray for us.

Efesians 5:2

Make wi love one anoda, just as Christ love and sakrifice ensef as ofrin wey get betta smell to God, bikos of us.

Kolossians 3:1

So, if God raiz una with Christ, den make una put mind for tins wey dey heaven; di place where Christ for sidan for God rite side.

Hibru 1:3

Na dis pikin bi God image and e dey show God glory. Naim dey keep evritin wey dey dis world with en pawa. Afta e don die make God for forgive evribody dia sins, e kon go sidan for God rite side for heaven.

Hibru 10:10

Bikos Jesus do wetin God wont, all of us don dey holy thru di sakrifice wey e use en body make for us.

Hibru 10:14

Na with one sakrifice e take klean pipol from dia sins and dem don dey klean forever.

Hibru 5:1

Na God dey choose High Priest wey go ripresent pipol for en present. Di priest dey offa both gift and sakrifice for dia sins.

Hibru 5:3

Bikos of dis, e dey offa sakrifice for en sin and di pipol own.

Hibru 7:27

and e betta pass any oda high priests. Jesus nor nid to offa sakrifice evriday, like di oda priests wey dey offa for dia own sins and for di pipol own. Bikos na wons and for all e sakrifice ensef for evribody, wen e die for di cross.

Hibru 8:1

Wetin I mean bi sey: Wi get High Priest wey sidan for God rite hand side for heaven.

Hibru 9:12

Na wons Jesus enter di place wey holy pass. E nor enter with goat or ram blood, but na with en own blood, so e don save us forever and ever.

Hibru 9:14

wot of Christ blood wey klean us from deat, so dat wi go fit woship God? Dis na di Christ wey offa ensef to God as di rite sakrifice for awa sins and e do am with di Holy Spirit pawa.