Hibru 1:2 - Holy Bible Nigerian Pidgin English

² but naw, E dey tok to us thru en pikin wey get evritin and na thru am, E kreate di world.

Hibru 1:2 ပူးပေါင်းရင်းမြစ်များ

Jenesis 49:1

Den Jakob koll all en sons kon sey, “Make all of una kom, so dat I go tell una wetin go happen for future.

Isaya 2:2

Time dey kom wen di mountin where di temple dey, go dey important pass evry oda mountin. Many nashons go-go der

Isaya 44:24

Dis na wetin God wey save una, di Pesin wey form una for una mama belle dey tok: “Na mi bi God wey kreate evritin. Na only mi stresh di heavens kom out kon design di eart as I wont.

Isaya 45:12

Na mi bi di Pesin wey kreate di eart and na mi kreate di pipol wey dey stay inside. Na my pawa I take stresh di heavens out kon kontrol di sun, moon and di stars.

Isaya 45:18

God wey kreate di heavens and di eart sey, na-im still bi God! Na mi kreate di eart well and I nor kreate am to dey empty, but na for pipol to stay. E sey, “Na mi bi God and e nor get anoda one.

Jeremaya 30:24

En vexnashon nor go stop until E don do evritin wey E plan to do. Afta sometaim, en pipol go undastand all dis tins. One day, una go undastand wetin I mean.

Jeremaya 48:47

But di day dey kom wen God go make Moab prosper again. Dis na wetin God sey go happen to Moab land.”

Ezekiel 38:16

Yu and yor pipol go attack my pipol like strong kloud wey dey pass di land. Wen di time don rish, I go send yu go skata my land, so dat dem go know who I bi and dem go si as I holy rish, bikos of di tins wey I go do thru yu.

Daniel 10:14

Naw, I don kom help yu undastand wetin go happen to yor pipol for di future, bikos dat na wetin di vishon dey tok-of.”

Daniel 2:28

But, e get one God wey dey for heaven wey dey open sekret and tell dreams. E don tell King Nebukadnezzar wetin go happen for future. Dis na di dream and vishon wey yu si:

Hosea 3:5

But di time dey kom wen Israel pipol go turn kom meet Oga God and one among David shidren-shidren, go bi dia king. Den dem go fear God and E go bless dem.

Mikah 4:1

For di last days, di mountin where God temple dey, na-im go high pass all di mountins. E go high pass di hills too and pipol from evry nashon go dey rush go der go woship God.

Nombas 24:14

I dey go meet my pipol naw, but make I warn yu about wetin dis pipol go soon do yor pipol.”

Matiu 13:39

and di enemy wey plant dem, na di devil. Di harvest na di last days and di harvest workers, na di angels for heaven.

Matiu 17:5

As e still dey tok, one brite kloud kon kover dem and one vois kon sey, “Dis na my Pikin wey I love. Make una listin to am!”

Matiu 21:38

“But wen di farmers si di boy, dem kon tell each oda, ‘Di landlord pikin wey go inherit en papa propaty afta e don die, na-im dey kom so. Make wi kill-am and kollect wetin go bi en own.’

Matiu 26:63

But Jesus kwayet. Den di High Priest kon tell am, “I take God name kommand yu to tell us if yu bi Christ, wey bi God Pikin.”

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

Matiu 3:17

Naim one vois from heaven kon sey, “Dis na My pikin wey I love and e dey make belle sweet mi.”

Mark 1:1

Na so di gospel about Jesus Christ, God Pikin take start.

Mark 12:6

“Di man get one pikin wey e love well-well and na dis one remain for am to send. At last, e kon send am go meet dem dey tok for en mind sey, ‘As dis one bi my pikin, dem go respet am.’

Mark 12:7

“But wen di tenants si am dey kom, dem kon sey, ‘Na di owner pikin dey kom so. Make wi kill-am, so dat wi go get all di propaty for awasef.’

John 1:10

E kom inside di world wey e make my ensef, but di pipol nor know am.

John 1:14

Den di Word kon shange to pesin and e stay with us for dis world. Wi si en glory wey show sey, naim bi di only pikin wey get korrect favor and trut, wey God send kom meet us.

John 1:3

Na God make evritin and if to sey E nor make dem, dem nor for dey dis world at-all.

John 13:3

Bikos Jesus know sey en Papa don gi-am pawa to kontrol evritin and as e bi sey e kom from God and e dey go back go meet am,

John 13:32

Wen di pikin don honor God, God go honor am too.

John 15:15

I nor go koll una savant again, bikos savant nor dey undastand wetin en oga dey do, but I dey koll una my friend, bikos I don show una evritin wey I hear from my Papa.

John 16:15

Evritin wey my Papa get, na my own, naim make mi tok sey di Spirit go tell una wetin e dey hear from mi.

John 17:2

Just as yu don give mi pawa ova all di pipol for di world, na so too I go give life wey nor dey end to evribody wey yu give mi.

John 3:16

“God love di pipol wey dey dis world well-well, so E kon send di only pikin wey E get to us, so dat anybody wey bilive am, nor go die, but e go get life wey nor dey end.

John 3:25

Den one Jew man kon dey argue with John disciples about how dem suppose to wosh dia body as dia tradishon tok.

John 5:26

Bikos as di Papa get life for inside am, na so e give en pikin life too.

John 5:27

Di Papa don give en pikin di pawa to judge pipol.

John 9:29

Wi know sey God tok to Moses, but wi nor know where dis man from kom.”

Acts 10:36

Una know di message wey E send to Israel pipol, wen E tok about di Good News wey dey give peace, thru Jesus Christ, di real Oga God.

Acts 2:17

“ ‘Wen di last day don rish, God sey, “I go pour my Spirit inside evribody and all una shidren, both boys and girls go dey profesai, una yong men go dey si vishon and una old men go dey dream plenty dreams.

Romans 1:4

and naim bi my only Pikin wey I wake-up from deat with di Holy Spirit pawa.

Romans 8:17

And if wi bi God shidren, den wi go inherit God propaty. Yes, wi go follow Christ inherit God propaty, bikos if really wi sofa with am, wi go follow am enjoy.

1 Korintians 2:7

Di tin wey I dey tok about, na God sekret wisdom wey E choose for us, even before E kreate di world.

1 Korintians 8:6

But wi (wey bi Christian), na only one God wi get and naim bi awa Papa. Na-im kreate evritin and wi dey live for am. Na Jesus Christ bi awa only Oga God. Na-im make evritin and na thru am wi get life.

Galatians 4:4

but wen di rite time rish, God kon send en pikin wey woman born under di law,

Efesians 1:10

God go komplete en plan wen di time don rish, den E go gada evritin wey dey heaven and eart togeda under Christ, wey bi di head.

Efesians 3:9

Di grace na to make evribody undastand God sekret plan. Na God kreate evritin and E hide di plan since e kreate di world.

Deutronomi 18:15

Di Oga una God go raiz profet like mi from among una and e go bi una own kountry man and make una listin to am.

Deutronomi 31:29

Bikos I know sey wen I don die, una go spoil unasef kon turn from dis way wey I kommand una. Wahala go kom meet una dat time, bikos una don do bad tins wey go make God vex.”

Deutronomi 4:30

For dat time, wen una dey trobol and all dis tins don happen to una, una go turn kom meet di Oga una God kon obey all en kommand

Hibru 1:5

Na wish angel God tell sey, “Yu bi my pikin, today I don bikom yor Papa?” Or as E tok for anoda place sey, “I go bi yor Papa and yu go bi my pikin?”

Hibru 1:8

but koncerning en pikin, E sey: “Yu bi God! Yor kingdom go dey forever and ever and yu go rule yor pipol with authority.

Hibru 11:3

Na thru faith wi take undastand sey, God kreate evritin with en word. So di tins wey wi dey si so, na God make dem from wetin dem nor dey si.

Hibru 2:3

Wetin make us sey wi go dey free if wi nor listin to dis korrect salvashon message? Na God first tok am and pipol wey hear am kon show us sey na trut.

Hibru 3:6

But as God Pikin, Jesus dey faithful for God house. So wi too go get share for di house if wi bilive and get konfident for awa hope wey dey inside Christ.

Hibru 4:14

Jesus wey bi God Pikin, na-im bi awa High Priest wey don go heaven. Make wi hold am tait and always dey bilive am.

Hibru 5:8

Even doh e bi God Pikin, na thru all di tins wey e sofa, e take learn how to obey.

Hibru 7:28

Moses Law choose human being wey get weakness as High Priest, but God promise wey kom afta di law, choose di pikin and na-im bi di korrect Priest forever.

Hibru 7:3

E nor get papa or mama, e nor get story at-all, en days nor get where e for start or where e go end, but e bi like Man Pikin and e bi priest forever.

Hibru 9:26

bikos if na so, Christ for dey kom die for us evry year since di time wey God kreate di world. But nor bi so! E die wons and for all, so dat awa sins go-go forever.

1 Pita 1:20

God choose am before E kreate dis world, but na for dis last days E show am to una.

2 Pita 3:3

Afta dis, make una undastand sey: for di last days, yeye pipol go kom and dem go dey do bad tins wey dey hongry dem.

Jude 1:18

Dem sey, “For di time wen dis world won end, some pipol go dey laf una and di tins wey God hate wey dey hongry dem to do, naim go dey push dem.”