Habakkuk 3:2 - Holy Bible Nigerian Pidgin English

² My God, I don hear evritin wey Yu do and e sopraiz mi well-well. Even naw for awa time, make Yu still do dat wonderful tin wey Yu do before. Even wen Yu dey vex, make Yu sorry for us.

Habakkuk 3:2 ပူးပေါင်းရင်းမြစ်များ

Ezra 9:8

“But naw, for dis short time, awa Oga God, Yu don trit us well kon stop some of us to bi slave and wi dey live for peace for dis Holy Place. Yu don remove us from slave work kon give us new life.

Job 42:5

Before, I know only wetin pipol tell mi, but naw, I don si Yu with my own eye.

Psalms 119:120

I dey shake bikos I dey fear Yu and yor kommandments and rules dey make mi sopraiz.

Psalms 25:6

My God, remember yor kindness and love wey nor dey fail, wey Yu dey show us, since awa grand-grand papa time.

Psalms 38:1

My God, make Yu nor porshu or ponish mi, bikos Yu dey vex!

Psalms 44:1

My God, wi don hear am with awa own ear and awa grand-grand papa dem don tell us about evritin wey Yu do for dia time.

Psalms 71:20

Even doh Yu don make mi sofa well-well, I know sey Yu go make mi happy again kon take mi komot from di pit wey I dey.

Psalms 78:38

Yet, God sorry for dem kon forgive dem dia sins and E nor distroy all of dem. So, E nor dey too vex for dem or show en vexnashon,

Psalms 85:6

Yu nor go revive us again so dat yor pipol go happy bikos of Yu?

Isaya 53:1

“Na who go bilive di message wey wi dey hear naw? Na who don si God hand for dis matter before?

Isaya 54:8

I vex leave una small, but I go show una my love forever.” Na so God, wey save una, tok.

Isaya 63:15

Oga God! Make Yu look us from heaven, yor holy place where Yu dey stay wey get glory. Where yor pawa and strong mind dey? Where yor love and mesi dey? Make Yu nor leave us at-all.

Isaya 66:2

Na my hand I take make heaven and eart; dem with evritin wey dey inside na my own. Mi wey bi Oga God, don tok! I go bless di pesin wey dey honbol and dey ready to turn from sin kom meet mi; pesin wey dey fear and obey mi.

Jeremaya 10:24

Abeg God, make Yu korrect wi wey bi yor pipol. Make Yu nor ponish us bikos Yu dey vex, if not, all of us go die finish.

Jeremaya 10:7

E nor get who nor dey fear Yu, bikos na Yu kreate evritin. Nobody bi like Yu for di whole world. Even kings and wise men nor rish Yu.

Jeremaya 29:10

“God sey, ‘Wen di seventy years wey I give Babilon don finish, I go kare and bring una kom back to una land, just as I promise.

Jeremaya 46:28

I go kom meet and save una. I go distroy all di nashons where I skata una go, but I nor go distroy una. I go must ponish una, but I go do am to korrect una. Mi, wey bi God, don tok.”

Lamentashons 3:32

Even doh sey E dey make us sofa naw, E still dey sorry for us, bikos en great love for us nor dey end.

Daniel 8:17

Gabriel stand near mi, so bikos I dey fear, I kon fall face groun. Naim e sey, “Man pikin, make yu undastand wetin e mean. Di vishon dey show yu how di world go take end.”

Daniel 9:2

For dat same year wen e dey rule, mi Daniel kom undastand di holy book wey sey na seventy years God tell Profet Jeremaya sey, Jerusalem pipol go skata for di world.

Habakkuk 3:1

Dis na di prayer wey Profet Habakkuk pray:

Habakkuk 3:16

I fear well-well wen I hear all dis tins and my lips kon dey shake. Fear and kold katch mi at wons. I go really wait for di time wen God go ponish doz wey dey attack us.

Zekaraya 1:12

Den di angel pray to God, “Oga God wey dey mighty, Yu don dey vex for Jerusalem and Judah town for seventy years naw. How long e go take before Yu go sorry for dem?”

John 10:10

Di tin wey tif dey do, na to tif, kill and distroy pipol, but mi, I kom so dat pipol go get life, di kind life wey full well-well.

Romans 10:16

But nor bi evribody gri asept di Good News, even Profet Isaya sey, “My God, anybody don bilive awa message?”

Filippians 1:6

I dey sure sey, di Pesin wey start dis good work for una life, go make am pafet until di day wen Christ go kom.

Hibru 11:7

Na faith make Noah build ark afta God warn am about wetin go happen. E obey wetin God tok and na di ark save en and en family. Na di same faith Noah take kondemn di world, kon inherit di raitiousness wey dey kom.

Hibru 12:21

Wetin happen dey make pesin fear, so Moses kon sey, “I dey fear and dey shake.”

Revelashon 15:4

Na who nor go fear and praiz yor name? Bikos na only yu dey holy. Pipol for evriwhere go kom woship yu, bikos dem dey si di good tins wey yu dey do.”