Habakkuk 3:13 - Holy Bible Nigerian Pidgin English

¹³ Yu go save yor pipol and di king wey Yu choose. Na Yu kill di pesin wey dey lead wiked pipol kon distroy doz wey dey follow am.

Habakkuk 3:13 ပူးပေါင်းရင်းမြစ်များ

2 Samuel 5:20

So David go Baal-Perazim and e win Filistia pipol for der. E sey, “God don break-pass my enemies like flood.” So dem kon koll di place, Baal-Perazim.

Psalms 105:15

“Make una nor tosh dis pipol wey I choose and make una nor plan to do bad tins against my profets.”

Psalms 105:26

But God send en savant Moses with Aaron wey E choose, go free en pipol.

Psalms 110:6

E go ponish di nashons and dead body go full dia land. Yes! E go kut pipol head full di whole world.

Psalms 137:7

My God, make Yu remember wetin Edom pipol do wen dem kon distroy and karry Jerusalem pipol komot from dia own land. Dem dey shaut, “Make una skata Jerusalem rish groun! Skata di town rish groun!”

Psalms 20:6

Naw, I know sey God dey save di king wey E anoint. E ansa di king from en heaven wey dey holy kon save am with en great pawa.

Psalms 28:8

God dey give en pipol strent and en king dey save, bikos E dey protet am.

Psalms 68:7

So, my God, wen Yu lead yor pipol go war; wen Yu mash pass di desert,

Psalms 77:20

Den Yu use Moses and Aaron take lead and guide yor pipol like many sheep.

Psalms 99:6

Moses and Aaron dey among en priests; Samuel na one among di pipol wey pray to am. Dem pray to God and E ansa dem.

Isaya 63:11

Den di pipol remember as e bi before; dat time wen Moses take dem komot from Egypt, so dem ask, “Where di God wey save en pipol from di sea? Where di God wey give Moses en Spirit?

Isaya 64:1

How I wish Yu go tear di sky open kon kom down from heaven! Di mountins go si Yu kon shake with fear.

Ezekiel 13:14

I go break di wall wey dem paint and evritin go skata finish. E go fall kon kill evribody, den una go know sey na mi bi God.

Amos 9:1

I si God stand near di altar kon sey: “Make yu nak di temple pilas for up, until di foundashon go shake. “Break dem make e fall for di pipol head. I go kill di remainin pipol for war and nobody go fit eskape.

Joshua 10:11

As dem dey run from Israel pipol go di low groun for Bet-Horon, God kon make big-big stone dey fall from sky for dia head go rish Azeka. Dem die well-well and di ones wey di stone kill, many pass doz wey Israel sojas kill.

Joshua 10:24

Wen dem bring di kings kom meet Joshua, e koll Israel men kon tell di sojas oga wey dey with am sey, “Make una kom here kon mash dis kings for dia neck.” So dem kom put dia legs for di kings neck.

Joshua 10:42

Joshua katch all dis kings and dia land for just one fight, bikos di Oga wey bi Israel God dey fight for en pipol.

Joshua 11:12

Joshua enter all di royal towns kon kill dia kings, just as God savant, Moses kommand dem.

Joshua 11:8

God give dem to Israel and en pipol kill and porshu dem go rish Greata Sidon, Misrefot-Maim and Mizpa Valley for di east. Dem kill all of dem finish.