Habakkuk 3:10 - Holy Bible Nigerian Pidgin English

¹⁰ Mountins dey fear as dem si Yu; rain dey fall from di kloud and waves for sea dey raiz and make nois bikos of Yu.

Habakkuk 3:10 ပူးပေါင်းရင်းမြစ်များ

Nehemaya 9:11

Yu divide di sea for yor pipol kon lead dem pass for dry groun. But Yu make di wota swallow di pipol wey dey porshu dem and dem kon sink like stone.

Psalms 104:32

E look di eart and di eart shake; E tosh di mountin and dem start to bring smoke.

Psalms 148:7

Make all di tins wey dey inside di sea and di ones for land, praiz God.

Psalms 18:15

Den as God kommand and as E just breath, di sea bottom open and di eart foundashon kon dey show.

Psalms 65:13

Na animals full di fields and na betta food full di valley. Evritin dey sing and shaut for joy!

Psalms 66:6

E turn di Red Sea to dry land and en pipol kon dey happy as dem dey waka pass di dry groun.

Psalms 93:3

My Oga God, even doh rivers dey full and make nois like tonda as dem dey go up-and-down,

Isaya 43:20

Even bad animals go honor mi; jackals and ostrich go praiz mi wen I go make river flow for di desert, so dat di pipol wey I choose go get wota to drink.

Isaya 55:12

Una go komot from Babilon with joy and dem go lead una komot from di town with peace. Di mountins and hills go dey sing and di trees go dey shaut with happiness.

Jeremaya 4:24

As I look di mountins, dem dey shake like man wey dey fear and all di hills dey go back and front.

Mikah 1:4

Den di mountins go melt under en leg like kandol wey melt for fire kon rush enter di valley like wota wey dey rush kom from hill.

Nahum 1:5

For God present, mountins dey shake and hills dey melt trowey. Wons God appear, di eart go shake and evribody for di world, go fear.

Habakkuk 3:6

Wen E stop, di eart go start to shake and wen E look, di nashons go bigin fear. All di mountins go skata; di hills wey dey since go sink and E go dey forever and ever.

Matiu 27:51

At wons, di temple kotton tear from up go rish bottom. Di groun bigin shake and rocks kon skata for evriwhere.

Matiu 8:24

At wons, strong breeze kon dey blow for di sea and wave won sink di boat. But Jesus Christ dey sleep.

Hibru 11:29

Na faith make Israel pipol cross di Red Sea like sey na dry land, but wen Egypt pipol try am, di wota swallow all of dem.

Joshua 4:18

Di priests wey karry di Kovenant Box kon komot from di river centre and as dem just enter dry land, di wota for Jordan kon start to rush well-well again.

Revelashon 16:12

Den di sixt angel pour wetin dey en basin put for River Eufrates. Di river dry and road kon dey for di kings wey dey kom from east.

Revelashon 20:11

Den I si one big white throne and di Pesin wey sidan put. Eart and heaven run komot from en present and dem nor si where to hide put.

Revelashon 6:14

Di sky kon dey fold like paper and evry mountin and island move komot from where dem dey before.