Habakkuk 2:17 - Holy Bible Nigerian Pidgin English

¹⁷ Just as una distroy Lebanon, na so too dem go distroy una finish. Una kill all di animals wey dey der, but naw, animals go worry and kill una. Dis tin go happen, bikos of di pipol wey una kill and di wahala wey una kause for dis world.

Habakkuk 2:17 ပူးပေါင်းရင်းမြစ်များ

Psalms 137:8

Babilon pipol! God go soon distroy una. Di pesin wey go pay una back for wetin una don do to us, make happiness bi en own.

Psalms 55:23

But Yu, my Oga God! Yu go send wiked pipol go di pit where distroshon dey. Doz wey dey kill pipol and doz wey dey lie, go kwik die, but as for mi, I go trust di Oga, wey bi my God.

Proverbs 28:17

Pesin wey kill anoda pesin dey kwik-kwik dig en own grave, so make yu nor try to stop am.

Jeremaya 50:14

All di sojas, make una ready to attack Babilon. Make una shot una arrows against di town, bikos dem don sin against God.

Jeremaya 50:28

(Make una listin! Pipol wey nor get house dey run komot from Babilon go Jerusalem kon tok as di Oga awa God ponish Babilon pipol, bikos of wetin dem do to en temple.)

Jeremaya 51:24

But naw, una go si as I go take pay Babilon pipol for all di bad-bad tins wey dem do to Jerusalem.

Ezekiel 28:16

Yu just dey busy dey buy and sell and dis tins kon make yu dey misbihave and kommit sin. So I ask yu make yu komot from my mountin wey dey holy and di angel wey dey guide yu, porshu yu komot from di stone wey dey inside fire.

Ezekiel 31:16

Wen I send am go where dead body dey, nois wey e go make wen e fall, go shake di whole world. All di trees for Eden and di betta wota for Lebanon wey dey under di world, go happy wen e fall.

Joel 3:19

But Egypt land go bi desert and na only dirty go dey Edom land, bikos dem attack Judah kon kill innocent pipol.

Habakkuk 1:17

Yu go allow dem ponish pipol forever? Dem go dey distroy nashons forever?

Habakkuk 2:8

Una don tif from many nashons, so doz wey still dey alive, go tif from una. Una don kill pipol kon kause wahala for di whole world.

Zekaraya 11:1

Lebanon, make yu open yor gate, so dat fire go burn yor cedar tree rish groun!