Habakkuk 2:16 - Holy Bible Nigerian Pidgin English

¹⁶ Instead make dem honor una, na disgrace go follow una and na una by unasef go drink kon stagga fall. God go make una drink from una own ponishment cup and una honor go turn to disgrace.

Habakkuk 2:16 ပူးပေါင်းရင်းမြစ်များ

Psalms 75:8

One cup wey full with wine wey dem mix with spice, dey for God hand and E pour am for di world. True-true, all di wiked pipol for di world go drink from am till e finish.

Proverbs 3:35

Pipol wey wise go get good name, but fools go only add trobol join dia disgrace.

Isaya 20:4

Assyria king go karry Egypt and Ethiopia pipol go as prisonas. Weda dem yong or old, dem go waka naked with ordinary leg and dia yansh go dey open and e go bi shame for Egypt pipol.

Isaya 47:3

Pipol go si yor nakednes and shame go katch yu well-well, bikos I go revensh and I nor go sorry for yu.”

Isaya 49:26

I go make pipol wey dey opress una, chop dia own flesh; dem go drink dia own blood like wine. Den evribody go know sey mi, wey bi God, na-im bi di Pesin wey save and free una. Dem go know sey, na mi bi di mighty God for Israel.”

Jeremaya 25:15

Oga wey bi Israel God tell mi, “Make yu take dis wine cup wey my vexnashon full and make all di nashons wey I send yu go meet, drink from am.

Jeremaya 25:17

So I take di cup from God hand kon go di nashons wey God send mi go and I make all of dem drink from am.

Jeremaya 51:57

I go make en ofisas, wise men, leaders and sojas drink anyhow. Dem go sleep and dem nor go wake-up again. Mi, wey bi God, don tok. I bi di Oga God wey dey mighty.

Jeremaya 51:7

Babilon pipol bi like gold cup for my hand a nd di wine for inside dey shark di whole world. Di nashons drink from am and dem kon start to bihave anyhow.

Lamentashons 4:21

Edom pipol wey dey stay for Uz land, make una dey laf naw. Make una know sey dis judgement cup go rish where una dey too; una go drink from am until di drink don shark una and una go kon naked.

Ezekiel 23:33

Di cup go make life taya yu and yu go bi like man wey don drink well-well. Dis cup get fear; wahala full am and na yor sista, Samaria, get am.

Hosea 4:7

As di priests dey plenty, na so dia sin against mi, dey plenty too. So I go turn dia honor to disgrace.

Hosea 7:5

Wen di king dey do party, en and en ofisas dey drink well-well and dem go dey make plans with yeye pipol.

Habakkuk 2:10

Una don disgrace unasef and una life don finish, bikos of di pipol wey una kill and as una take distroy many nashons, na so too dem go distroy una.

Habakkuk 2:15

Una wey dey make una neighbours drink too mush, so dat dem go naked and disgrace demsef, na big curse dey una head.

Filippians 3:19

Dem go end for hell; na dia belle bi di god wey dem dey serve. Tins wey suppose make dem shame, naim dey make dem happy and na only tins for dis world dem dey tink about.

Revelashon 18:6

Make yu pay am as e take pay odas; pay am doubol for wetin e do. For di wine cup wey e mix, make yu mix doubol for am.