Habakkuk 2:1 - Holy Bible Nigerian Pidgin English

¹ I go stand for where I for dey guide and look well-well. I go wait make I for know wetin God go tell mi and how E go take ansa my komplain.

Habakkuk 2:1 ပူးပေါင်းရင်းမြစ်များ

2 Samuel 18:24

David sidan for di space wey dey between di inside and outside gate for di town. Di guide stand on-top di roof wey dey di gate kon si only one man dey run kom.

2 Kings 17:9

Israel pipol do some bad tins and di Oga dia God nor like am. Dem build juju house for all dia towns; from di towa wey di men from dey wosh go rish di town wey dem guide well-well.

2 Kings 9:17

Naw, di gateman stand for di gate for Jezrel kon si Jehu men dey kom. So e sey, “I si some men dey kom!” King Joram kon orda sey, “Make yu send one pesin go mi dem kon ask, ‘Hope evritin dey okay?’ ”

Job 31:35

“Nobody won listin to wetin I dey tok? I swear sey evry word wey I dey tok na true. Make God kom ansa mi. Make dem rite wetin my enemies tok about mi, so dat I go si dem.

Job 31:37

I go dey proud to tell God evritin wey I don do. I go waka go meet am like prince.

Psalms 5:3

Make Yu listin to my vois for morning, bikos evry morning, I dey kom meet Yu and dey wait with patient make Yu ansa mi.

Psalms 85:8

I go listin to wetin Oga God tok, bikos E go make peace with en pipol; doz wey dey obey am, so-far dem nor go-go back to dia wiked and yeye ways.

Psalms 85:9

True-true, time dey kom wen pipol wey dey follow am well, go si en salvashon; den en glory go appear for di land again.

Isaya 21:5

Dem don arrange di party tabol; put rug for groun where pipol wey dem invite go sidan put. But as dem dey chop and drink, dem kon hear di kommand, “Una wey bi sojas, make una prepare for war!”

Isaya 21:6

Den God tell mi, “Make yu go put pipol make dem dey guide, so dat dem go tell yu evritin wey dem si.

Isaya 21:8

Make di guide shaut, “Oga, I dey guide both for day and nite and na where yu sey make I dey, na der I dey”

Isaya 62:6

Jerusalem pipol, I go put pipol wey go dey guide una walls and dem nor go kwayet both for day and nite. But una wey dey pray give God, make una nor stop at-all.

Jeremaya 12:1

My God, Yu dey always trit mi well anytime wey I komplain give Yu. But I ask Yu one kweshon about good judgement: “Why e bi sey wiked pipol dey prosper and pipol wey nor dey honest, dey susid?

Jeremaya 6:17

Den God sey, “I choose profets make dem guide and warn una about di trumpet sound!” But di pipol ansa, “Wi nor won hear anytin!”

Ezekiel 3:17

“Man pikin, I dey make yu di pesin wey go wosh ova Israel pipol. Yu go tell dem di warnin wey I give yu.

Ezekiel 33:7

“Naw, man pikin, I dey put yu as wosh-man for Israel. Yu must go tell dem di warnin wey I dey tell yu so.

Mikah 7:7

But as for mi, I bilive sey God go kom help mi. I dey wait for God with all my heart, so dat E go save mi. Yes! My God go hear mi.

2 Korintians 13:3

bikos una sey make I show sey Christ dey tok thru mi. Christ nor dey weak to una, bikos e show en pawa among una.

Galatians 1:16

E show mi en pikin, so dat I go fit prish about am give Gentile pipol. I nor go meet anybody make e advise mi