Habakkuk 1:12 - Holy Bible Nigerian Pidgin English

¹² My Oga God, di Pesin wey dey holy, Yu wey dey since and go always dey. Oga God wey bi awa Rock, Yu nor dey plan to kill us finish, Yu only send Babilon pipol to kom korrect and ponish us bikos of awa sin.

Habakkuk 1:12 ပူးပေါင်းရင်းမြစ်များ

Jenesis 21:33

Den Abraham plant tamarisk tree for Beersheba and e woship di Oga God wey bi di God forever for der.

2 Kings 19:25

Dem nor tell yu sey na mi plan all dis tins before dem happen? I don do as I plan dem. Na mi give yu pawa to turn towns wey dem guide well-well, to where dem dey trowey dirty put.

Psalms 102:24

I sey, “My Oga God, make Yu nor let mi die naw wen I still dey yong, bikos Yu dey from one generashon go rish anoda.

Psalms 118:17

So I nor go die, instead I go live to tok about all di wonderful tins wey God don do.

Psalms 149:2

Israel pipol, make una happy bikos of di Pesin wey kreate una. Jerusalem pipol, make una praiz God well-well.

Psalms 17:13

My Oga God, make Yu raiz-up! Make Yu stand against dem kon nak dem fall! Make Yu use yor swod take save mi from wiked pipol!

Psalms 18:1

My God, I love Yu well-well and na Yu bi my strent.

Psalms 74:12

But Yu God don bi my King since my grand-grand papa dem time and Yu dey save us for dis world.

Psalms 90:1

My Oga God, from generashon to generashon na Yu dey protet us!

Psalms 90:2

Yu bi God wey nor dey die! Even before Yu kreate di mountins and di whole world, Yu don dey.

Psalms 93:2

My God, yor throne don dey even before Yu kreate di world. Yu yorsef, don dey forever and ever.

Isaya 31:1

Pipol wey dey go Egypt for help, curse dey dia head! Dem dey put dia hope for di plenty sojas, ordinary horse and shariot wey Egypt get. But dem nor trust Israel God or kom meet am make E help dem!

Isaya 37:23

“ ‘Who yu tink sey yu dey curse and laf since? Yu nor dey respet mi wey bi Israel God wey dey holy.

Isaya 37:26

So, yu neva hear sey na so I plan all dis tins since? And naw, I don do am; bikos na mi give yu pawa to take skata all di towns wey dem protet.

Isaya 40:28

Una nor know? Una neva hear? God go dey forever. Na-im kreate di whole world. E nor dey taya or weak. Nobody fit undastand wetin E dey tink.

Isaya 43:15

Na mi bi una God wey dey holy. Israel pipol, na mi kreate una and na mi bi una king.”

Isaya 49:7

God wey bi di Holy One and di Pesin wey save Israel; di Pesin wey wi dey sin against; wey dey serve rulers, dis na wetin E tok, “Kings go si yu kon stand, prince go bow down, bikos of God wey dey good wey bi di Holy One for Israel and naim choose yu.”

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Jeremaya 30:11

I go save and dey with una. I go distroy all di nashons where I skata una go, but I nor go distroy una finish. I go ponish una, but I go do am small-small. Yes! I nor go let una go without ponishment. Mi, wey bi God, don tok.”

Jeremaya 4:27

God sey, “Di whole land go turn desert and I go distroy am finish.

Jeremaya 46:28

I go kom meet and save una. I go distroy all di nashons where I skata una go, but I nor go distroy una. I go must ponish una, but I go do am to korrect una. Mi, wey bi God, don tok.”

Jeremaya 5:18

But I nor go distroy una finish.” Dis na wetin God tok.

Lamentashons 5:19

So Yu my Oga God, go rule forever and ever! Yor throne go dey from one generashon go rish anoda one.

Ezekiel 30:25

Yes! Na mi make am weak, so dat Babilon king go strong. Wen I give Babilon king my swod and e point am face Egypt, evribody go know sey na mi bi God.

Mikah 5:2

But yu, Betlehem Efrat yu bi one small town for Judah. But na from yu di pesin wey go rule Israel go from kom and en family dey among Israel pipol since.

Habakkuk 3:2

My God, I don hear evritin wey Yu do and e sopraiz mi well-well. Even naw for awa time, make Yu still do dat wonderful tin wey Yu do before. Even wen Yu dey vex, make Yu sorry for us.

Habakkuk 3:6

Wen E stop, di eart go start to shake and wen E look, di nashons go bigin fear. All di mountins go skata; di hills wey dey since go sink and E go dey forever and ever.

Malakai 3:5

Oga God sey, “I go judge pipol wey dey do majik; doz wey dey sleep with who dem nor marry; pipol wey dey tok wetin dia eye nor si; oga dem wey nor dey pay dia workers; doz wey dey opress wimen wey dia husband don die, shidren wey nor get papa and mama again and strenjas. Dem dey do like dis, bikos dem nor dey fear mi.

Malakai 3:6

“Na mi bi God and I nor dey shange. Una wey bi Jakob shidren, na mi make una neva die finish.

Acts 3:14

Una sey una nor wont Jesus Christ, di holy and Raitious Pesin, instead una sey make dem release anoda pesin wey dey kill pipol give una.

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

Deutronomi 33:27

Na di God wey go dey forever bi una guide and provida. En hand wey go dey forever, dey support una. E drive all una enemies kon sey make una distroy dem!

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

1 Timoti 6:16

Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

Hibru 13:8

Jesus Christ na di same yestiday, today and forever, e nor dey shange!

Revelashon 1:11

“Make yu rite evritin wey yu dey si inside dis book, den send dem go meet di pipol wey dey di seven church wey dey for Efesus, Smyrna, Pergamum, Tiatira, Sardis, Filadelfia and Laodicea.”

Revelashon 1:8

God sey, “Na mi bi di Alfa and Omega, di One wey dey since, wey dey naw and wey go still kom, na mi bi di God Almighty!”

1 Samuel 2:2

Nobody dey holy like God! E nor get anybody wey strong like Yu! E nor get any rock wey bi like God.