Galatians 6:14 - Holy Bible Nigerian Pidgin English

¹⁴ I nor go boast about anytin escept for di sofa wey awa Oga God Jesus Christ sofa and bikos of dat sofa, di world nor mean anytin to mi and I don die to di world too.

Galatians 6:14 ပူးပေါင်းရင်းမြစ်များ

Psalms 49:6

Dem bilive dia money kon dey boast with all di tins wey dem get.

Psalms 52:1

Yu wey tink sey yu strong, why yu dey karry body for di bad tins wey yu dey do? Yu nor know sey God love dey always protet mi?

Ezekiel 28:2

“Man pikin, go tell Tyre king wetin mi God wey get pawa dey tell am: “Yu dey proud and yu dey sey yu bi god wey sidan for throne and sea dey round yu. Yu fit pritend sey yu bi god, but make yu know sey na human being yu bi and nor bi wetin yu tink.

Luke 20:16

E go kom distroy all dis tenant, den give di grape farm to new tenants.” Wen di pipol hear dis, dem kon sey, “Make dis tin nor happen o-o!”

Romans 1:16

I nor dey shame to prish God word, bikos na-im bi di pawa wey God take dey save doz wey bilive am, weda dem bi Jew or Gentile pipol.

Romans 6:2

No! Why wi wey don turn from sin go still dey live inside am?

Romans 6:6

Wi know sey di pesin wey wi bi before, dem don nail am for cross with Jesus. So awa body nor bi sin savant again.

1 Korintians 1:23

but di true message about Jesus wey dem kill for cross, naim wi dey prish and di message bi like stone wey Jew pipol kick by mistake kon fall, but to Gentile pipol, na yeye tin e bi.

1 Korintians 15:58

So my friends, make una dey strong and nor let anytin shake una. Make una always dey do God work, bikos una know sey, evritin wey una do for God, get gain.

1 Korintians 2:2

Bikos wen I dey with una, I plan sey, Christ wey dem kill for cross, na only en message I go tok to una about.

1 Korintians 3:21

so, make wi stop to dey boast about wetin pesin do. Bikos both

2 Korintians 11:12

And I go kontinue to do wetin I dey do, so dat doz apostles nor go get rizin to boast sey, dem dey do di same work with us.

Galatians 1:4

Na Jesus die for awa sins, bikos na so God awa Papa wont am.

Galatians 2:17

Make wi dey kommit sin as wi dey try to do good, bikos wi get faith for Christ? If na so, dat mean sey Christ don dey support sin!

Galatians 2:19

As for di law, I don die to am, so dat I go fit dey alive with God.

Galatians 2:20

I don die with Christ for cross, so nor bi mi dey live again, but na Christ dey live inside mi. Di life wey I dey live naw, na bikos of di good tins wey God pikin do inside mi, bikos e love and die for mi.

Galatians 3:21

So di law dey against God promise? No! Bikos if di law dey give pesin life, den raitiousness go must kom thru di law.

Galatians 5:24

Pipol wey dey inside Christ don kill dia flesh with all di bad tins wey di flesh dey like to do.

Filippians 3:18

Bikos I don tell una before and I dey tok am again with tears for my eye sey, di way many pipol dey bihave, dey show sey dem bi enemies to Christ cross.

Filippians 3:3

Na wi bi di really sekonsishon; di pipol wey dey woship God thru en Spirit; pipol wey dey happy inside Christ and wi nor dey put awa hope for wetin pipol dey do.

Kolossians 2:20

Since una don die with Christ and e don free una from wiked pipol, den why una still dey bihave as pipol wey nor know God?