Galatians 4:9 - Holy Bible Nigerian Pidgin English

⁹ But naw wey una don know am (or abi make I sey God don know una), why una still dey follow all dis weak and yeye pawas? Una won bi dia slave again?

Galatians 4:9 ပူးပေါင်းရင်းမြစ်များ

1 Kings 8:43

My Oga God, make Yu listin to dia prayer. For heaven wey Yu dey, make Yu hear and do wetin dem sey make Yu do, so dat evribody for di world go know and obey Yu, just as yor pipol Israel dey do. Den dem go know sey dis temple wey I build, na di place where dem go for dey woship Yu.

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

Psalms 1:6

True-true, God dey guide en pipol for evritin wey dem dey do, but E go distroy doz wey nor dey follow en ways.

Psalms 9:10

Doz wey dey loyal to Yu, dey trust Yu, bikos Yu nor dey leave doz wey wont make Yu help dem.

Exodus 33:17

God tell Moses, “I go still do wetin yu tok, bikos yu dey good for my eye and I know yu by yor name.”

Proverbs 2:5

If yu do like dat, yu go know wetin e mean to fear God and yu go susid as yu dey learn about God.

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Habakkuk 2:14

Just as wota full sea, na so too dem go know about God glory for evriwhere for dis world.

Matiu 11:27

“My Papa put evritin for my hand. Nobody know di pikin, but na only en Papa know am. Nobody know di Papa, but na only di pikin and anybody wey di pikin choose to show.

Luke 5:38

Instead, pipol suppose pour new wine inside new wine bag.

John 10:14

“Na mi bi di good shepad, I know di sheep wey bi my own and dem know mi too.

John 10:27

My sheep dey hear my vois and I know dem and dem dey follow mi.

John 17:3

Life wey nor dey end, dis na wetin e mean, ‘Na make pipol know yu wey bi di only true God and Jesus Christ, wey yu send.’

Romans 8:29

God know doz wey E don choose, so E don make dem bi like en Pikin, so dat en pikin go bi di first-born.

Romans 8:3

Moses Law nor fit do dis tins, bikos di yeye life wey wi dey live don make di law weak. But God don free us wen E send en pikin kom like human being wey bi sina, make e for sakrifice ensef for awa sins.

1 Korintians 13:12

Evritin wey wi dey si naw bi like ordinary image for mirror; but for dat time, wi go si am, face-to-face. Naw wi nor know evritin, but den wi go know, just as God really know us.

1 Korintians 15:34

Make una get sense and stop to dey kommit sin. I still dey sopraiz sey some pipol among una nor know God.

1 Korintians 8:3

But God know di pesin wey love am.

2 Korintians 11:20

Una like make pesin turn una to slave; use and shit una; take evritin wey una get, den beat and slap una anyhow.

2 Korintians 4:6

Bikos God wey sey, “Make lite shine from darkness,” Na-im dey shine inside awa heart, so dat E go give us di lite wey show us en glory wey dey Christ face.

Galatians 3:3

Na so una mumu rish? True-true, una start with di Holy Spirit, but naw, una won finish di work with human being pawa.

Galatians 4:3

Na so e bi with us wen wi small; wi dey under di pawa wey dey kontrol dis world,

Efesians 1:17

I pray make God, awa Oga God Jesus Christ Papa wey get glory, give una spiritual wisdom and revelashon, wey go make una know am well-well.

2 Timoti 2:19

But God strong foundashon still stand and dem rite put sey, “God know en pipol and evribody wey bi Christ own, must stop to do evil.”

Hibru 7:18

Bikos of dis, God put di old law for korna, since e dey weak and yuzles,

2 Pita 2:20

Afta dem don free from sin thru awa Oga God and Savior Jesus Christ and dem kon let sin masta dem again, dia kondishon for di end, go worse pass as e bi before.

1 John 5:20

Wi know sey God Pikin don kom and e don give us sense to know di trut about God. And wi dey inside en Pikin Jesus Christ. Na-im bi di real God and na-im bi di life wey nor go end.