Galatians 1:15 - Holy Bible Nigerian Pidgin English

¹⁵ But God koll mi with en grace kon separate mi even before dem born mi.

Galatians 1:15 ပူးပေါင်းရင်းမြစ်များ

Isaya 49:1

Una wey dey stay for far-far land, make una listin to mi! Before dem born mi, God don koll mi. Wen I dey my mama belle, God don already know my name.

Isaya 49:5

And naw, Oga God sey, na mi kreate and form yu from yor mama belle as my savant, so dat yu go bring Jakob, my pipol kom back to mi kon gada Israel togeda. Dis na bikos Oga God don honor mi and na-im bi my strent.

Jeremaya 1:5

“Before I put yu for yor mama belle, I don know and choose yu. I don selet yu, before dem even born yu. Yes! I don choose yu as my profet and yu go take my message go evriwhere.”

Matiu 11:26

Yes! Papa, na so yu wont make e bi.

Luke 10:21

For dat time, di Holy Spirit kon make Jesus dey happy, so e kon sey, “I praiz yu, Papa wey bi Oga God for heaven and eart, bikos yu don hide dis tins from pipol wey get sense and wise, but yu show dem to yor shidren. Yes, Papa, na so yu wont make e bi.

Acts 13:2

As dem dey fast and woship God, di Holy Spirit kon tell dem, “Make una separate Banabas and Saul for di work wey I wont make dem do.”

Acts 9:15

But God tell Ananias, “Make yu go meet am, bikos I don choose am make e karry my name to Gentile pipol, kings and all Israel pipol.

Romans 1:1

Paul wey bi Jesus savant and apostle wey e choose make e prish God word, na en rite dis leta.

Romans 1:5

Na thru am, God give us favor and pawa to bi apostles and na dis pawa wi dey use take dey koll Gentile pipol, make dem obey and bilive en name.

Romans 8:28

And wi know sey evritin dey work for awa good, bikos wi love God and dey do wetin E wont.

Romans 8:30

Doz wey God don asept, na dem E koll; doz wey E koll, na dem E make raitious and E kon share en glory with dem.

Romans 9:24

Weda wi bi Jew or Gentile pipol, E don choose us.

1 Korintians 1:1

Na Paul, wey God koll to bi Jesus Christ apostle and Sostenes, awa broda, na dem rite dis leta.

1 Korintians 1:21

God wise well-well, so E nor let pipol for dis world know am with di wisdom wey dem get. Instead, E save only di pipol wey bilive di foolish message wey wi dey prish.

1 Korintians 1:24

But for wi wey God don koll, weda wi bi Jew or Greek; na Christ bi God pawa and wisdom wey save us.

1 Korintians 1:9

God dey faithful, bikos na-im koll una to waka with en pikin, Jesus Christ wey bi awa Oga God.

1 Korintians 15:10

But God kind! I bi wetin I bi and God mesi for mi, nor bi yeye tin. I dey work pass any oda apostle; aldo na God grace dey help mi.

Galatians 1:1

Na mi Paul, rite dis leta, (nor bi human being make mi apostle, but na Jesus Christ and God awa Papa wey raiz am from deat).

Galatians 1:6

I sopraiz sey una kwik turn back from di Pesin wey koll una with en grace kon bigin follow oda tishing.

Efesians 1:5

Before, God don already decide thru Jesus Christ sey, wi go bi en shidren, bikos na so E wont am.

Efesians 1:9

E do like dis wen E show us di sekret plan wey E get and di good mind wey E show evribody, thru Christ.

Efesians 3:11

Dis happen akordin to en plan wey go stand forever and E make am happen thru awa Oga God Jesus Christ

2 Timoti 1:9

Bikos God save and koll us to live holy life. E do like dis, nor bi sey wi deserve am bikos of wetin wi do, but na so E plan am even before di world start, so dat wey go know en grace thru Jesus Christ.

1 Pita 5:10

Afta una don sofa small, God wey koll una with en grace enter en glory for Christ, go make una komplete, una leg go strong and una go get pawa.

1 Samuel 12:22

God nor go leave en pipol, bikos E don make promise with una grand-grand papa. God happy to make una en own pipol.