Filippians 4:7 - Holy Bible Nigerian Pidgin English

⁷ Den God peace wey pass wetin human being fit undastand, go guide una heart and mind, inside Christ.

Filippians 4:7 ပူးပေါင်းရင်းမြစ်များ

Nehemaya 8:10

“Naw, make una go house go celebrate. Share food and wine with pipol wey nor get. Today na holy day for awa Oga God, so make una nor kry, bikos na God happiness dey make una strong.”

Job 22:21

Job! Abeg, go setol with God. Nor dey bihave like sey God na yor enemy. If yu follow am make peace, E go bless yu.

Job 34:29

If God sey E nor go do anytin, nobody go fit ask am kweshon. If E hide en face, wi nor go get help at-all weda na one pesin or di hold kountry.

Psalms 29:11

Na God dey give en pipol strent and na en dey bless dem with peace.

Psalms 85:8

I go listin to wetin Oga God tok, bikos E go make peace with en pipol; doz wey dey obey am, so-far dem nor go-go back to dia wiked and yeye ways.

Proverbs 2:11

Di sense and undastandin wey yu go get, go protet yu.

Proverbs 4:6

If yu love wisdom, e go protet yu; if yu love am well-well, e go save yu.

Proverbs 6:22

Wetin dem tish yu so, go lead yu wen yu dey waka, protet yu for nite kon give yu good advise for day time.

Isaya 26:12

My God! Na Yu make us dey save and dey prosper and even evritin wey wi get, na Yu give us.

Isaya 26:3

Oga God, Yu dey guide and save pipol wey dey faithful, bikos dem trust Yu.

Isaya 45:7

Na mi kreate both lite and darkness; di Pesin wey dey bring blessing and wahala and na mi wey bi God, dey do all dis tins.

Isaya 48:18

If to sey una just gri listin to my kommand, una peace for bi like river and una raitiousness for bi like wave for sea.

Isaya 48:22

Oga God sey, ‘Wiked pipol nor go ever get peace.’ ”

Jeremaya 32:16

“Afta I don give Baruk di agriment paper wey I take buy di land, I kon pray,

Jeremaya 33:6

But I go heal di town and en pipol kon make dem well again. I go give dem peace forever and dem go dey save.

Nombas 6:26

God go look una with favor kon give una peace.” ’

Luke 1:79

so lite go shine for di pipol wey sidan for darkness and where deat dey. Den God go give us peace.”

Luke 2:14

“Na only God get Glory for heaven and eart, make peace and favor dey with evribody.”

John 14:27

Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

Romans 1:7

Rome pipol wey God love and koll make dem bi en own, na una I dey rite dis leta give. Make God awa Papa for heaven and Jesus awa Oga God give una grace and peace.

Romans 14:17

Bikos God kingdom nor bi food and drink matter, but na about raitiousness, peace and joy wey di Holy Spirit dey give pipol.

Romans 15:13

I pray make God wey dey give hope, bless una with joy and peace bikos of una faith. So make di Holy Spirit pawa full una body with faith.

Romans 5:1

Since faith don make us dey good for God eye, wi don get peace thru awa Oga God Jesus Christ.

Romans 8:6

If wi let sin rule awa mind, wi go die. But if na di Spirit dey rule us, wi go get life and peace.

2 Korintians 10:5

pipol wey dey karry body up; doz wey nor wont make odas know God and as wi dey do like dis, pipol dey obey Christ.

2 Korintians 13:11

Finally my brodas and sistas, make una use happiness dey do tins as dem suppose bi. Make una take heart, dey greet each oda and live togeda for peace and di God wey get love and peace, go dey with una.

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Efesians 3:19

Den una go really know di love wey Christ get, wey big pass evritin wey una go fit undastand and evritin inside God, go full una life.

Filippians 1:1

Dis leta na from Paul and Timoti, wey bi Jesus Christ savant. To all God pipol for Filippi, with dia bishops and leaders.

Filippians 1:2

Make God awa papa and Oga God Jesus Christ give una grace and peace.

Filippians 4:19

My God go give una evritin wey una nid, bikos of en glory and propaty wey dey inside Jesus Christ.

Filippians 4:21

Make una greet God pipol wey dey for Christ.

Filippians 4:9

So anytin wey una learn, hear and si mi dey do, make una dey do dem too. And di God wey dey give us peace, go dey with una.

Kolossians 3:15

Make Christ peace dey rule una heart (bikos na thru dis peace, Christ take koll una as one body) and make una dey tank God.

2 Tesalonians 3:16

Naw, make Christ wey dey give peace, give una en peace evritime and make di peace dey with una always.

Hibru 13:20

God wey get peace, di Pesin wey use di everlastin kovenant blood bring awa Oga God Jesus Christ kom back from deat; awa Oga God wey dey look di sheep,

Jude 1:1

Dis leta na from Jude, Jesus Christ savant and James broda. To di pipol wey God don koll, wey Papa God love don wrap like klot for Jesus Christ body.

Revelashon 1:4

Na John rite dis leta go give di seven church wey dey Asia aria. Make grace and peace dey with una from di Pesin wey dey since, wey dey naw and wey go still kom. From di seven spirits wey dey en throne front

Revelashon 2:17

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, I go gi-am some manna wey dem hide for heaven. I go gi-am white stone and for dat stone, dem go rite new name put and nobody go fit undastand am, escept di pesin wey I give di stone.’ ”