Filippians 2:29 - Holy Bible Nigerian Pidgin English

²⁹ So make una welkom and respet am as una broda for Christ with happiness,

Filippians 2:29 ပူးပေါင်းရင်းမြစ်များ

Isaya 52:7

Si as e dey good to si messenja wey dey kom give una peace and good news from di mountins! E dey announce sey una don win kon tell Zion pipol sey, “Una God na king!”

Luke 9:5

Anywhere wey dem nor welkom una, make una shake di san from una leg as una dey komot and dis go bi witness against dem.”

John 13:20

I dey tell una true word, anybody wey receive di pesin wey I send, don receive mi and anybody wey receive mi, don receive God wey send mi kom.”

Acts 2:46

Dem dey stay togeda evriday like one big family. Dem dey gada go di temple togeda and dem dey go from house to house, dey chop togeda with happiness.

Acts 28:10

Dem kon dey praiz us well-well and wen wi won go, dem give us evritin wey wi nid.

Acts 8:8

So all di pipol wey dey di town kon dey happy well-well, bikos of wetin dey happen.

Romans 10:15

How pesin go prish God word wen God nor send am? As God word sey, “Pipol wey dey prish di Good News dey waka well, bikos na good tins dem dey bring!”

Romans 16:2

Make una welkom am with God name as God shidren suppose do. And make una gi-am anytin wey e nid; bikos e don help mi and oda pipol before.

1 Korintians 16:10

Wen Timoti kom, make una nor make am fear at-all, bikos na God work wey I dey do, naim e dey do too.

1 Korintians 16:18

and dem don let belle sweet mi, just as dem make belle sweet una. E good make wi dey tok about pipol like dem.

2 Korintians 10:18

Bikos nor bi who praiz ensef dey rite, but na di pesin wey God like to praiz.

2 Korintians 7:2

Make una allow di gospel enter una heart bikos wi nor do bad to anybody or fall anybody business or play anybody wayo.

Filippians 2:28

Na dis make mi won really send am kom meet una, so dat wen una si am, belle go sweet una again and I nor go dey worry about una.

Kolossians 4:10

Aristakus, wey follow mi dey prison dey greet una and Mark wey bi Banabas kousin (wey wi bin tell una sey, if e kom meet una, make una welkom am) dey greet una too.

1 Tesalonians 5:12

Naw wi dey beg una, awa brodas and sistas, make una dey respet doz wey dey work, guide and tell una wetin to do about dis matter wey koncern Christ.

1 Timoti 5:17

Doz wey dey lead well, make dem pay dem well, especially doz wey dey work and tish well-well, so dat di gospel go stand.

Hibru 13:17

Make una obey una leaders and do evritin wey dem tok, bikos na dem dey kare for una soul and dem go ansa God wen E ask dem how dem do dia work. Make una let dem do am with happiness, nor bi with komplain, bikos una nor go get any betta tin from am.

3 John 1:10

So, wen I kom, I go tell evribody wetin e do; tins wey wi nor do and e sey wi do am. Even doh e dey tok bad about us, dat one nor do for am; nor bi only sey e nor dey welkom awa brodas, but e dey make odas nor welkom dem too and e dey drive dem komot from di church.