Filippians 2:25 - Holy Bible Nigerian Pidgin English

²⁵ But before dat time, I don tink am sey, e good make I send Epafroditus kom meet una. En na my broda, ko-worker and soja. Na una messenja e bi and e dey help mi anytime wey I nid anytin.

Filippians 2:25 ပူးပေါင်းရင်းမြစ်များ

Proverbs 25:13

As kold wota dey sweet for dry sizin, na so too savant wey pesin fit trust, dey make belle sweet di pesin wey send am.

John 13:16

Make I tell una true word, savant nor dey big pass en oga, just as di pesin wey bi messenja nor dey big pass di oga wey send am.

John 17:18

Just as yu send mi kom inside dis world, na so too I send dem go inside di world.

Romans 16:3

Make una salot Priscilla and Akwila for mi. Dem bi my ko-workers for awa Oga God Jesus Christ work,

Romans 16:9

Greet Urbanus wey follow us work. Greet Stachys wey bi my good friend.

1 Korintians 3:9

All of us na ko-workers for God and na una bi God farm and en buildings.

2 Korintians 2:13

my mind nor rest, bikos I nor si awa broda, Titus, for der. So I leave der kon go Masidonia.

Filippians 2:26

True-true, e miss all of una well-well and en mind dey worry am, bikos una hear sey e nor well.

Filippians 4:18

Naw, I get evritin wey I nid, bikos Epafroditus don give mi di tins wey una send. And na dis bi di ofrins wey dey make belle sweet God.

Filippians 4:3

Yes, my good friends, I still dey tell una, make una help dem. Dem try as dem dey prish di gospel with mi, both Klement and my oda ko-workers, wey dia name dey inside Christ Life Book.

Kolossians 1:7

Awa broda Epafras, wey dey work for Christ with all en mind, even doh wi nor dey der, na-im tish una di gospel

Kolossians 4:11

Jesus wey dem still dey koll Justus, dey greet una. Jew pipol wey bi Christian and dey follow mi do God work, na only dem dey help mi.

1 Tesalonians 3:2

So wi kon send Timoti, awa broda wey dey follow us do God work sey, make e kom enkourage una koncerning una faith,

Filemon 1:24

Mark, Aristakus, Demas and Luke, wey bi my ko-workers, dey greet yu too.

Hibru 3:1

My brodas and sistas wey God choose, make una tink about dis Jesus wey God send kom and na-im bi di High Priest wey wi bilive.