Filippians 2:16 - Holy Bible Nigerian Pidgin English

¹⁶ bikos una get God message wey dey give life. So, di day wen Christ go kom, I go get rizin to boast sey I nor run dis race or work for nor-tin.

Filippians 2:16 ပူးပေါင်းရင်းမြစ်များ

Psalms 40:9

I don tell yor pipol about how Yu dey judge. I nor dey fear to tok about all di good tins wey Yu don do.

Psalms 71:17

My God, na from wen I bi small pikin, Yu dey tish mi yor ways and I always dey tell pipol about di wonderful tins wey Yu don do.

Isaya 49:4

So I ansa, “I don work well-well, yet my work nor mean anytin! I use all my pawa, but I nor gain anytin.” But I still bilive sey, God go defend and reward mi for evritin wey I don do.

Matiu 10:27

Wetin I tell una for darkness, make una tok am for day time and wetin I tok for una ear, make una shaut am make pipol hear.

Luke 12:8

“I tell una true word, anybody wey stand up for publik sey en know mi, mi too go stand up for am for where God angels dey.

John 6:63

Na di Spirit go fit give pesin life; human being pawa nor fit do am. All dis word wey I dey tell una so, dem bi Spirit and dem dey give pesin life.

John 6:68

Den Simon Pita ansa am, “Oga God, na who wi go kon go meet? Na yu get di word wey dey give pipol di life wey nor dey end.

Acts 13:26

So my brodas, wey bi Abraham shidren and una wey bi Gentile pipol wey dey fear God, na di message about how God go take save pipol, naim wi kom tell una so.

1 Korintians 1:8

God go help una rish di end, so dat E nor go si fault for una life for di day wen Jesus go kom back.

1 Korintians 9:26

So I nor dey run for nor-tin and I nor dey follow breeze fight.

2 Korintians 1:14

just as una don undastand us rish and na wi make una dey proud and na una go make us proud too, for di day wey Jesus go kom.

Galatians 2:2

I go der bikos of di revelashon wey I receive, den I tell dem about wetin I dey prish give Gentile pipol. But I tok with di oga dem, so dat dem go dey sure sey, I dey prish Christ message.

Galatians 4:11

I dey fear sey make di work wey I do among una, nor waste.

Filippians 1:10

so dat una go fit choose wetin betta pass and as una dey do so, una go dey ready for di day wen Christ go kom.

Filippians 1:6

I dey sure sey, di Pesin wey start dis good work for una life, go make am pafet until di day wen Christ go kom.

1 Tesalonians 2:19

Nor bi una bi awa hope, joy and crown wey wi go take boast give Jesus wen E kom? Yes! Na una!

1 Tesalonians 3:5

So wen I nor fit bear again, I send pesin make e help mi shek how una faith bi, bikos I dey fear sey devil wey dey tempt pipol, don tempt una and all di work wey wi do among una, don dey yuzles.

Hibru 4:12

God word dey alive, e get pawa and e sharp pass knife wey get two sharp side. Di word dey divide pesin soul from en spirit and e dey divide bone from bone; bikos God know wetin wi dey tink for awa mind.

1 Pita 1:23

God nor save una with human being body wey fit die, but na thru en word wey get life and dey forever.

1 John 1:1

Di tin wey dey from di biginnin, wey wi don hear and si with awa eye; wey awa hand don tosh (tins wey koncern di word wey dey give life

Revelashon 22:17

Di Spirit and di Bride sey, “Kom!” Make di pesin wey hear sey, “Kom!” And anybody wey wota dey hongry, make e kom; di pesin wey wont di wota wey dey give life, make e drink from am free of sharge.