Ezra 8:21 - Holy Bible Nigerian Pidgin English

²¹ For where wi dey for Ahava River, I kon orda sey make all of us fast and honbol awasef before God and make wi ask am make E lead and protet us, awa shidren, all awa propaty and for awa journey.

Ezra 8:21 ပူးပေါင်းရင်းမြစ်များ

2 Kronikles 20:3

Jehoshafat kon dey fear, so e go meet God. E kommand evribody for Judah sey make dem fast.

2 Kronikles 20:4

Judah pipol from difren town gada togeda kom sey make God help dem.

Ezra 8:15

I gada dem for di river wey dey rush go Ahava Town and wi stay der for three days. I si sey some priests dey among di pipol, but Levi pipol nor dey.

Ezra 8:31

Na for di twelft day for di first mont naim wi komot from Ahava River kon start to go Jerusalem. Awa God dey with us and E protet us from enemies make dem nor attack and set trap for us as wi dey travel.

Nehemaya 9:1

For di twenty fourt day, for dat same mont, Israel pipol gada to fast, bikos of sins wey dem kommit.

Estha 4:16

“Go gada all Jew pipol for Shushan, den make una fast and pray for mi. Make una nor chop or drink anytin for three days and nites. Mi and my savants go do di same tin. Afta di fasting, I go-go meet di king, even doh dat kind tin dey against di law. If na dat one go make mi die, den make I die.”

Psalms 137:1

As wi sidan near Babilon River, wi kon dey kry bikos wi dey tink about Jerusalem.

Psalms 5:8

My God, make Yu save mi as Yu dey lead mi, bikos my enemies dey korna dey wait to katch mi. Make Yu remove all di problem wey dey di road wey Yu dey take mi pass,

Psalms 5:9

bikos my enemies nor dey tok di trut. Wetin dey hongry dem to do, na to distroy odas; dia troat bi like open grave and na so-so lie-lie words full dia mout.

Psalms 8:2

Yu don tish shidren and small pikin, so dat dem go fit tok about yor pawa and how Yu take silent yor enemies and doz wey dey oppoz Yu.

Proverbs 3:6

Always dey remember God kommand for anytin wey yu dey do, den E go show yu di korrect way.

Isaya 30:21

Una go hear one vois dey tok from una back sey, “Na di korrect way bi dis, make una waka pass der,” weda una dey waka go rite or left.

Isaya 35:8

One fine road go dey der and dem go koll am, “Holiness Road.” No sina go travel pass dat road and foolish pipol nor go fit deceive doz wey dey waka pass der.

Isaya 42:16

I go lead doz wey nor dey si, pass di road wey dem neva travel pass before. I go turn dia darkness to lite kon make rof road smooth for dem. Dis na wetin I promise and I go do dem; I nor go fail.

Isaya 49:10

Food and wota nor go hongry dem again. Sun and desert heat nor go burn dem again, bikos na di pesin wey love dem, go lead dem. E go lead dem go where wota for dey flow.

Isaya 58:3

Di pipol ask, “Wetin make us dey fast and honbol awasef if God nor go ansa us?” God kon tell dem, “Di true bi sey, for di time wey una dey fast, una still dey opress una workers and run follow tins wey una like.

Isaya 58:5

Na di kind fasting wey I choose bi dis? Na only di time wey una dey fast una dey-dey honbol? Na just to skrape di hair for una head rish groun, I wont? Abi, na to just wear sak kon sleep for ashes? Na dis one una dey koll fasting, di day wey God wont?

Jeremaya 10:23

My Oga God, wi know sey pipol nor fit kontrol dia own destini and dem nor get di pawa to know wetin go happen to dem.

Jeremaya 42:3

Make yu pray make di Oga awa God show us where wi go-go and wetin wi go do.”

Daniel 9:3

So I wear sak klot, sidan for ashes den turn to God kon dey beg am as I dey pray and fast.

Joel 1:14

Koll and tell evribody sey make dem fast! Gada di leaders and all Judah pipol go meet and kry give God for en temple!

Levitikus 16:29

“Dis na di law wey una go obey forever. For di tent day for di sevent mont, Israel pipol and di strenjas wey dey stay with dem must fast and dem must nor do any work.

Levitikus 16:31

Dat day go dey very holy, dem go fast and dem nor go do any work at-all. Dem go keep dis law forever.

Levitikus 23:29

Anybody wey chop anytin for dat day, nor go dey among God pipol again.

Jonah 3:5

Nineveh pipol bilive God message, so dem kon sey make evribody fast and wear sak and evribody, both small and old, do wetin dia leaders tell dem.

Jonah 3:7

E kon kommand, “For inside dis kingdom, Nineveh, mi and all my ofisas don gri sey: ‘Make nobody or animal, chop or drink anytin.

Nombas 14:3

Wetin make God bring us kom dis land, so dat dem go kill us for war? Dem go katch awa wifes and shidren go as slaves! E for betta sey wi go Egypt back o-o?”

Nombas 14:31

Una sey dem go katch una shidren, but I go take dem go di land wey una rijet and e go bi dia own.

Acts 2:39

Bikos dis promise na for una, all una pikin, pipol wey dey far place and all di pipol wey God go draw near ensef.”

Judges 20:26

Den all Israel pipol kon go Bethel again go kry and fast for God present till evening. Dem still bring burnt ofrin and peace ofrin kon give God.

1 Samuel 7:6

Afta dem don gada for Mizpa, dem kon draw wota pour put for God front. Dem nor chop for dat day and dem kon konfess all dia sins for der dey sey, “Wi know sey wi don sin against God.” So Samuel pray for Israel pipol for Mizpa.