Ezra 3:11 - Holy Bible Nigerian Pidgin English

¹¹ Dem sing praiz God sey: God dey good and en love for Israel nor dey end. Evribody kon bigin shaut praiz God with all dia pawa, bikos dem don start work for di temple.

Ezra 3:11 ပူးပေါင်းရင်းမြစ်များ

1 Kronikles 16:34

Make una tank God, bikos E dey good, en love go dey forever.

1 Kronikles 16:41

Odas wey join dem na: Heman, Jedutun and di odas wey dem choose to dey praiz God, “Bikos en love dey forever.”

2 Kronikles 5:13

Doz wey dey blow trumpet and doz wey dey sing kon dey sing togeda dey praiz and give God all di glory. With di trumpet, cymbals and oda instruments, evribody kon dey shaut praiz God dey sey: “God dey good! En love and goodness, na forever and ever!” At wons, one kind tick kloud kon kover God Temple.

2 Kronikles 7:3

Wen evribody for Israel si sey fire kom down and God present full di temple, dem knee down kon face groun. Dem kon dey woship and tank God dey sey, “True-true, God dey good; en love wey nor dey fail, go dey forever!”

Nehemaya 12:24

Dis na di family leaders for Levi tribe: Hashabaya, Sherebaya, Jeshua, Binnui, Kadmiel and di oda men wey dey stand face dem wen dem dey do di praiz and tanksgivin service and just as David wey dey serve God kommand dem, one group dey praiz with di oda group.

Nehemaya 12:40

Di two kwaya wey dey give tanks kon go awa Oga God Temple, den dem take dia pozishon. So mi and all di group leaders kon sidan.

Psalms 100:5

Bikos God dey good, en love wey nor dey fail dey forever and E dey good from one generashon go rish anoda.

Psalms 103:17

But God love go dey forever for pipol wey dey fear am. En salvashon go dey for dia shidren-shidren;

Psalms 106:1

Make wi praiz God! Make wi tank am, bikos E dey good! E love wey nor dey fail, dey forever.

Psalms 107:1

Make wi tank God, bikos E dey good! En love wey nor dey fail, dey forever.

Psalms 118:1

Make wi tank God, bikos E dey good and en love dey-dey forever.

Psalms 131:1

My God, my heart nor dey proud; my eyes nor dey look anyhow. I nor dey worry mysef with matter wey too heavy for mi to bear.

Psalms 135:3

make una praiz am, bikos E dey good! Make una sing praiz en name, bikos dat na wetin una suppose do!

Psalms 47:1

Evribody! Make una kom! Make una klap una hand! Make una shaut praiz God with klean mind!

Psalms 47:5

God dey waka go en throne and pipol dey shaut and blow trumpet as E dey go.

Exodus 15:21

Miriam sey, “Make wi sing to di Oga awa God, bikos E don win big war; E trow di horse and doz wey dey ride am inside di sea.”

Isaya 12:6

Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”

Isaya 44:23

Heavens, make una shaut dey happy! All di deep part for dis eart, make una shaut well-well! Make mountins and evry tree for di forest, shaut too, bikos God protet Israel pipol kon show how E great rish.

Isaya 6:3

Each of dem dey sing dey sey, “holy, holy, holy! Na God wey get pawa, dey holy and en glory full di world.”

Jeremaya 33:11

Una go hear am kon shaut with happiness, with joy and belle go sweet una wen una dey do marriage. Una go hear pipol dey sing as dem dey kom tank mi with dia ofrin. Dem go sey, ‘Make wi tank God wey dey mighty, bikos E good well-well and en love dey forever.’ I go make dis land prosper as e bi before. Mi, wey bi God, don tok.”

Haggai 2:3

“E get anybody among una wey fit remember di way di temple fine rish before? But how una si am naw? Una fit kompare dis temple with di first one?

Zekaraya 4:7

“Even di strongest mountin nor go fit stand fight Zerubabel, bikos di mountin go turn ordinary groun for en front! And wen Zerubabel don put di final stone for where e suppose dey for di temple, di pipol go shaut, ‘Make God bless am! Make God bless di temple well-well!’ ”

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Luke 1:50

E dey show en mesi to evribody wey dey fear am for evry generashon.

Joshua 6:10

Naw, Joshua tell di sojas, “Make una nor shaut or make nois; make una nor tok anytin until di day wey I go tell una sey make una shaut or make nois!”

Joshua 6:16

Wen di sevent time rish, di priests kon blow di ram horn and Joshua kon tell di sojas, “Make una shaut for war, bikos God go give dis town to una!

Joshua 6:5

Wen una hear di trumpet sound, make di sojas shaut for war and di town wall go fall rish groun, den una go attack am.”