Ezekiel 8:3 - Holy Bible Nigerian Pidgin English

³ Di tin whole my hair with en hand. Den for dis vishon, God Spirit karry mi fly go Jerusalem. E take mi go di gate where dem dey pass for di nort side for di temple and one juju wey dey make God vex, dey der.

Ezekiel 8:3 ပူးပေါင်းရင်းမြစ်များ

1 Kings 18:12

But wen I leave yu, God Spirit go karry yu komot sotey I nor go si yu again. If I go tell King Ahab sey I don si yu, den e find and nor si yu, e go just sey make dem kill mi. Dat one nor good, bikos yor savant dey serve God well-well, since wen e bi small pikin.

2 Kings 16:14

E take di bronze altar wey dey God present from di temple front (between di altar and God Temple) kon put am for di nort side for di new altar.

2 Kings 2:16

Den dem tell Elisha, “Fifty strong men dey here with us wey bi yor savants, abeg make yu let dem go find yor oga. May bi God Spirit don karry am go put for one mountin or valley.” But Elisha sey, “No! Make una nor send dem go.”

2 Kings 21:7

E put Asherah juju wey e make for di temple, di place where God don tell David and en pikin, Solomon sey, “Dis temple for Jerusalem wey I don choose from all di tribes for Israel, go bi where I go stay forever.

Psalms 78:58

Dem dey make God vex as dem dey build shrine for oda gods; dem really make God jealous with dia juju.

Exodus 20:4

Make una nor do any image like wetin dey heaven, eart or inside wota.

Exodus 20:5

Make una nor bow or serve dem, bikos na mi bi di Oga una God and I dey jealous well-well. I bi God wey dey ponish shidren and dia shidren-shidren, bikos dia papa Rijet mi.

Exodus 34:14

Una must nor woship any oda god, bikos di Oga God wey en name na Jealousy, na God wey dey really jealous.

Jeremaya 32:34

Dem even go put dia yeye juju for di temple wey dem build to woship mi and naw, dem don make am dirty.

Jeremaya 7:30

God sey, “I don rijet Judah pipol, bikos of di wiked tins wey dem do. Dia juju wey I hate, dem put am for my temple kon make di temple dirty.

Ezekiel 1:1

Thirty years afta dem karry us go Babilon as slave, wen I dey stay with my pipol near Chebar River, for di fift day for di fourt mont, heaven open and I kon si one vishon.

Ezekiel 10:3

As di man go inside, di creatures stand face di sout-side for di temple and kloud kon full inside di kourtyard.

Ezekiel 11:1

God Spirit kon karry mi go di east gate for di temple. For near di gate, I kon si twenty-five men, plus Jaazanaya, wey Azzur born and Pelataya wey bi Benaya pikin and di two of dem na leaders for di land.

Ezekiel 11:24

Leta, God Spirit karry mi go meet di odas for Babilon. Den di vishon kon finish

Ezekiel 2:9

So I si one hand dey kom meet mi and e hold one book wey dem fold.

Ezekiel 3:12

Den God Spirit karry mi go up and I kon hear one loud vois dey sey, “Praiz and glory na God own for heaven!”

Ezekiel 3:14

So God pawa enter my body with force and as en spirit dey karry mi go. I kon dey vex, but God hand rest for my head with pawa.

Ezekiel 37:1

Den God pawa enter my body and en spirit kon karry mi go one valley where dry bones full.

Ezekiel 40:2

So, for inside vishon, God karry mi go Israel land kon put mi on-top one high mountin. For my front, I si sometin wey bi like one big town.

Ezekiel 43:5

Den God Spirit karry mi go inside di kourtyard and God glory full di temple.

Ezekiel 43:8

Di kings build di door post and door-mot join my own and na di wall separate us. Na all dis bad tins wey dem dey do, make dem dey disgrace my name wey dey holy and I distroy dem, bikos I dey vex.

Ezekiel 5:11

“So as long as mi God dey alive and as una don spoil my temple with una juju and all di bad tins wey una dey do, I nor go sorry for una wen I dey distroy una.

Ezekiel 7:20

Before-before, dem dey make yanga with dia fine-fine tins kon take di tins do juju. So na bikos of dis, God make dia money and propaty dey yuzles.

Ezekiel 8:5

God kon tell mi, “Man pikin, look go di nort side.” I look and for der near di altar, I si di juju wey dey make God vex.

Ezekiel 9:2

At wons, six men just kom out from di nort gate for di temple, each of dem karry swod. E get one man among dem wey wear linen and e whole sometin for hand wey e won take rite. All of dem kon stand near di bronze altar.

Daniel 10:10

Den one hand tosh and karry mi stand up well; but I still dey shake.

Daniel 10:18

Den di angel tosh mi again and my body kon strong.

Daniel 5:5

At wons, one finger appear kon dey rite for di palis wall near where di lamp for dey shine well-well and di king si di hand wey dey rite for di wall.

Acts 8:39

Wen dem kom out from di wota, God Spirit karry Filip komot from der and di man nor si am again, but e kon dey happy as e dey go.

Deutronomi 32:16

Dem make am jealous, bikos dem dey serve juju and oda gods.

Deutronomi 32:21

Dem don make mi dey vex for di gods wey dem dey serve; dem don make mi dey vex well-well with tins wey nor mean anytin: So, I go make dem jealous doz wey nor bi human being: I go make dem vex well-well for kountry wey nor get sense.

Deutronomi 4:24

Di Oga una God na strong fire wey dey burn anytin and E dey jealous well-well.

Deutronomi 5:9

Make una nor woship or serve dem, bikos mi wey bi una God dey jealous well-well. I go ponish una shidren and shidren-shidren for di sin wey dia papa kommit,

Deutronomi 6:15

bikos di Oga una God wey dey here with una, dey jealous well-well and en vexnashon go kill and porshu evry oda tin, until E go distroy wiked pipol and sinnas komot from dis eart.

Joshua 24:19

Joshua kon warn di pipol, “Una nor go fit dey woship God as E wont, bikos E dey holy. E dey jealous and E nor go forgive una if una turn from am kon sin.