Ezekiel 22:3 - Holy Bible Nigerian Pidgin English

³ Tell di town wetin mi God wey get pawa dey tok: Bikos una don kill many of una own pipol kon make unasef dirty as una dey serve juju; I go soon get una time.

Ezekiel 22:3 ပူးပေါင်းရင်းမြစ်များ

2 Kings 24:3

Just as God don tok before, E rijet Judah and en pipol, bikos of all di sins wey Manasseh kommit.

2 Kings 24:4

Manasseh kill pipol wey nor do anytin and dia blood don stain Jerusalem, so God nor gri forgive dem.

Psalms 106:39

Dem dirty diasef with di wiked tins wey dem don do and di way wey dem love juju kon make God dey vex

Isaya 1:21

Di town wey dey faithful before, don dey do like ashawo! Na only holy men dey inside before, but naw, na doz wey dey kill pipol, remain.

Ezekiel 12:25

Bikos mi wey bi God go tok anytin wey I like and e go happen, just as I tok am: E nor go waste time again and na wen wiked pipol still dey alive. Yes! I go tok di word and e go happen just as I tok am.’ ”

Ezekiel 22:2

“Man pikin, yu don ready to judge di town wey dead body full? Tell dem all di bad-bad tins wey dem do.

Ezekiel 22:27

Pipol wey dey rule bi like wolf wey tear animal into too. Dem dey kill pipol, so dat dem go get money.

Ezekiel 22:4

Una really kill pipol and na di juju wey una dey serve, dey dirty una. So una day dey kom and una time go soon end! Na dis make mi allow nashons and kountries dey laf and fool una.

Ezekiel 22:6

“All di leaders for Israel trust dia pawa and dem dey kill pipol.

Ezekiel 23:37

Dem sleep with pipol husband kon kill many pipol. Dem sleep with juju kon kill di boys wey dem born for mi. Dem sakrifice my shidren give juju.

Ezekiel 23:45

Pipol wey dey do good go ponish dem, bikos dem kill and sleep with pipol and di pipol blood dey dia hand.”

Ezekiel 23:7

Na Oholah all di ofisas for Assyria dey sleep with, so e kon dirty ensef as e dey woship Assyria juju.

Ezekiel 33:25

Naw, make yu tell dem wetin mi God wey get pawa dey tok: ‘Una dey chop meat with dia blood; dey woship juju and dey kill pipol. So wetin make una tink sey na una get di land?

Ezekiel 9:9

God ansa, “Israel and Judah pipol don sin well-well. Dem don kill pipol for di land and dem nor dey obey my law again. Dem sey mi God don leave dem and I nor dey si wetin dem dey do.

Mikah 3:10

Na blood and sin bi di foundashon wey una build Jerusalem put.

Zefanaya 3:3

En leaders bi like hongry lion wey dey look for who dem go chop. Dem dey hongry like wolf for desert wey dey chop dia food finish for morning.

Romans 2:5

But una sturbones and strong heart nor let una turn from sin kom meet God, so una dey make una ponishment many more-more, for di Day wen God go judge di world, bikos en na judge wey nor dey support bad tins.

2 Pita 2:3

and dis tishas go deceive una with dia wayo. God don kondemn dem tey-tey and Christ wey go distroy dem, nor dey sleep.