Ezekiel 2:8 - Holy Bible Nigerian Pidgin English

⁸ Man pikin, make yu listin to wetin I go tell yu. Make yu nor sturbon like dem. Naw, open yor mout make yu chop wetin I go give yu.”

Ezekiel 2:8 ပူးပေါင်းရင်းမြစ်များ

Psalms 105:28

God kover Egypt with darkness, bikos dem nor gri allow en pipol go.

Isaya 50:5

God don make mi undastand well-well and I neva tok anyhow or turn from am.

Isaya 8:11

True-true, dis na wetin God tok. E hold mi kon warn mi sey make I nor bihave like dis pipol:

Jeremaya 13:2

So, I kon go buy and wear am just as Oga God tok.

Jeremaya 15:16

My Oga God wey dey mighty, anytime Yu dey tok to mi, I dey listin well-well and na joy and happiness full my heart, bikos I bi yor own.

Ezekiel 12:2

“Man pikin, na where sturbon pipol der yu dey stay. Dem get eye, but dem nor dey si; dem get ear, but dem nor der hear, bikos dem sturbon well-well.

Ezekiel 12:7

So, I do as God kommand mi. For day time wen dem dey look mi, I pak my load kon karry am like sey I dey go Babilon and for evening, I break di wall with my hand. Den I go out for nite kon karry my load for shoulder and dem still dey look mi.

Ezekiel 3:10

God still sey, “Man pikin, listin well-well kon remember evritin wey I tell yu.

Ezekiel 33:7

“Naw, man pikin, I dey put yu as wosh-man for Israel. Yu must go tell dem di warnin wey I dey tell yu so.

Ezekiel 40:4

E kon tell mi, “Man pikin! Listin well-well and look evritin wey I dey show yu, bikos dis na di rizin why dem bring yu kom der, so dat yu go tell Israel pipol evritin wey yu si.”

Levitikus 10:3

Moses tell Aaron, “Dis na wetin God tok: “ ‘Among di pipol wey dey klose to mi, I go show mysef holy to dem and for where evribody dey, na der dem go for honor mi.’ ” So Aaron nor tok anytin.

Jonah 1:3

But Jonah kon plan to run go anoda place, bikos e nor won do wetin God tell am. E travel go Joppa where e for si one ship wey karry load dey go Tarshish. So e buy tiket kon enter di ship, so dat e go fit hide from God.

Nombas 20:24

“Aaron nor go enter di land wey I promise to give Israel pipol; e go die, bikos una nor gri obey my kommand for Meribah.

1 Pita 5:3

And make una nor dey opress God pipol wey dey under una, instead make una bi ezample to dem.

Revelashon 10:9

So I go meet di angel sey make e give mi di book, but e sey, “Take am make yu chop am.” E still sey, “As yu dey chop am, e go sweet like honey for yor mout, but wen yu swallow am, e go make yor belle bitter.”