Exodus 8:22 - Holy Bible Nigerian Pidgin English

²² And for dat day, I nor go let di fly dem rish Goshen land where my pipol dey, so dat yu go know sey na mi, di Oga God dey do dis tins.

Exodus 8:22 ပူးပေါင်းရင်းမြစ်များ

Jenesis 46:34

Den make una tell am sey, ‘Yor savants dey kare for animals since wi bi small pikin kon rish naw, both wi and awa papa.’ Make una tok like dat, so dat una go fit stay for Goshen land, bikos Egypt pipol nor like pipol wey dey kare for animals.”

Psalms 110:2

God go make yor kingdom big and strong for Jerusalem and yu go rule ova yor enemies.

Psalms 74:12

But Yu God don bi my King since my grand-grand papa dem time and Yu dey save us for dis world.

Exodus 10:23

Nobody fit si each oda and nobody fit stand up komot for where e dey for three days. But Israel pipol get lite for where dem dey.

Exodus 12:13

Di blood go bi sign sey na una dey dat house, so dat wen I si di blood, I go waka pass and I nor go tosh una wen I dey ponish Egypt pipol.

Exodus 19:5

And naw, if una go obey and keep my kovenant, una go bi special pipol wey I selet from di oda pipol for dis world, bikos na mi get di whole world.

Exodus 20:11

Bikos na six days God take make heaven, eart and all di tins wey dey inside dem and E rest for di sevent day. So God bless di Sabat Day kon make am holy.

Exodus 7:17

God sey, ‘Naw, wetin I go do, go make yu know sey na mi bi Oga God.’ Si, I go nak di wota for River Nile with di stik wey dey my hand and e go shange to blood.

Exodus 7:5

Den wen I show Egypt pipol as I strong rish kon take Israel pipol komot from der, di pipol go know sey na mi bi Oga God.”

Exodus 8:10

Fero ansa, “Na tumoro.” Den Moses sey, “E go bi as yu tok, so dat yu go know sey nobody bi like di Oga wey bi awa God.

Exodus 8:21

If yu nor gri let dem go, I go send plenty fly kom meet yu, yor savants, yor pipol and for inside una house. All Egypt pipol house and di groun go full with fly.

Exodus 8:23

I go divide my pipol from yor pipol. Dis sign go happen tumoro.” ’ ”

Exodus 9:26

But di ice-blok rain nor fall for Goshen land where Israel pipol dey stay.

Exodus 9:29

Moses ansa am, “Wen I komot go inside town I go stresh my two hand go heaven to di Oga wey bi God, den di tonda go stop and di ice-blok nor go fall again, so dat yu go know sey na Oga God get di whole world.

Exodus 9:4

But I go separate Israel animals from Egypt pipol own. No Israel animal go die.” ’

Exodus 9:6

True-true God do dis tin for di next day. All di animals for Egypt pipol farm die, but no one for Israel pipol own, die.

Ezekiel 30:19

Wen I don ponish Egypt like dis, dem go know sey na mi bi God.”

Malakai 3:18

Den my pipol go si di difren between good and bad and between doz wey dey serve mi and doz wey nor dey serve mi.”