Exodus 7:4 - Holy Bible Nigerian Pidgin English

⁴ Fero nor go gri listin to una. So I go ponish Egypt pipol. I go use force take karry my pipol Israel komot from Egypt land, den judge Egypt pipol well-well.

Exodus 7:4 ပူးပေါင်းရင်းမြစ်များ

Exodus 10:1

Den God kon tell Moses, “Make yu go meet Fero, bikos I don make en and en savants heart strong, so dat I go fit show dem all dis my mirakles.

Exodus 11:9

God kon tell Moses, “Fero nor go gri listin to yu, so dat I go fit do my plenty wonders for Egypt.”

Exodus 12:51

For dat day, Oga God take Israel pipol komot from Egypt akordin to der tribe.

Exodus 13:3

So Moses tell di pipol, “Make una remember today wey una komot from Egypt where una for bi slave. Dis na di day wey di Oga una God take una komot with en great pawa. So make nobody chop bread wey get yist.

Exodus 13:9

Dis go bi like sign wey una put for una hand and fore head, so dat Oga God law go dey una mout, bikos na with en strong hand E take karry una komot Egypt.

Exodus 18:8

Moses tell en wife papa evritin wey God do to Fero and Egypt pipol, bikos of Israel pipol; di tins wey dem sofa for road and how God take save dem.

Exodus 3:19

“But I know sey Egypt king nor go let una go, unless I force am.

Exodus 3:20

So I go use my hand skata Egypt with all di wonders wey I go do among dem and afta all doz tins, e go let una go.

Exodus 6:1

Den Oga God tell Moses, “Naw, yu go si wetin I go do Fero. I go force am make e allow my pipol go. I go use my pawa take make am drive my pipol komot from dis land.”

Exodus 6:26

Na dis Aaron and Moses, God still tell sey, “Make una take Israel pipol komot from Egypt.”

Exodus 6:6

“So tell Israel pipol sey, ‘Na mi bi Oga God and I go remove di load wey Egypt pipol put for dia head and dem nor go bi slave again. Na my pawa I go take save una and I go ponish Egypt pipol.

Exodus 7:13

With all dis ones, Fero heart still strong well-well and e nor gri listin to dem, just as God tok.

Exodus 7:16

Den yu go tell am, ‘Na Oga God, wey bi Hibru pipol God send mi kom tell yu sey, “Make yu let my pipol go serve mi for di wildaness! But yu nor won gri.” ’

Exodus 8:15

But wen Fero si sey di wahala don end, en heart kon strong more and e nor gri listin to dem, just as Oga God tok.

Exodus 8:19

Di juju-men kon tell Fero, “Dis na God handwork!” But Fero heart still strong and sturbon and e nor gri listin to dem, just as God tok.

Exodus 9:12

But God still make Fero heart strong and e nor gri listin to dem, just as Oga God sey e go bi.

Exodus 9:3

I go use my pawa bring sickness kom meet una animals for fields, una horse, donkey, kamel, kattle, sheep and goat dem.

Proverbs 19:29

Just as dem dey beat foolish pesin, na so too dem go ponish doz wey dey karry body up.

Isaya 26:9

I look for Yu for nite, my spirit dey find Yu for morning, bikos wen Yu start to judge di world, den pipol for dis world go know and learn how to bihave well.

Lamentashons 3:3

Evritime, na only mi E dey always ponish.

Ezekiel 14:21

Dis na wetin God wey get pawa dey tok: “I go send my four worse ponishment kom Jerusalem and dem bi: war, honga, wiked animals and diziz. I go send dem kon distroy di pipol and dia animals.

Ezekiel 25:11

I go ponish Moab pipol and dem go know sey na mi bi God.”

Ezekiel 30:14

I go make di sout-side for Egypt empty kon put fire for Zoan town wey dey di nort. I go ponish Tebes wey bi di main town.

Ezekiel 30:19

Wen I don ponish Egypt like dis, dem go know sey na mi bi God.”

Revelashon 15:4

Na who nor go fear and praiz yor name? Bikos na only yu dey holy. Pipol for evriwhere go kom woship yu, bikos dem dey si di good tins wey yu dey do.”

Revelashon 16:7

Den I hear one vois from di altar sey, “Yes, Oga God, yu wey get all pawa, yor judgement na true and dem korrect!”

Revelashon 19:2

bikos en judgement dey true and korrect. E don ponish dat ashawo wey spoil di world with en sins, as e dey sleep with who e nor marry and God don revensh am for Christ savants wey e kill!”

Judges 2:15

Anytime wen Israel pipol go fight war, God dey-dey against dem, just as God tok before and dem sofa well-well.