Exodus 7:17 - Holy Bible Nigerian Pidgin English

¹⁷ God sey, ‘Naw, wetin I go do, go make yu know sey na mi bi Oga God.’ Si, I go nak di wota for River Nile with di stik wey dey my hand and e go shange to blood.

Exodus 7:17 ပူးပေါင်းရင်းမြစ်များ

1 Kings 20:28

One profet go meet King Ahab kon sey, “Dis na wetin God tok: ‘Bikos Siria pipol tok sey I bi god for mountin and nor bi for groun, I go make yu win dia many sojas and yu and yor pipol go know sey na mi bi God.’ ”

2 Kings 19:19

Naw, my Oga God, make Yu save us with yor pawa, so dat all di kingdoms for dis eart go know sey na Yu bi Oga and di only God wey nor dey die.”

Psalms 105:29

E turn dia wota to blood kon poizin all dia fish.

Psalms 78:44

bikos E turn Egypt river to blood, so dat nobody go fit drink di wota.

Psalms 83:18

Den dem go know sey na only Yu bi God, di Pesin wey get pawa pass for di whole world.

Psalms 9:16

Dem don know God naw, bikos E dey judge well and naw, wiked pipol dey fall enter dia own trap.

Exodus 1:22

So Fero kommand en pipol, “Make una go kill any boy wey dem just born kon trow dem inside River Nile, but make una leave all di girls.”

Exodus 10:2

All dis tins dey happen, so dat yu go fit tell yor shidren and grand-shidren how I take fool Egypt pipol with my mirakles, make dem for know sey na mi bi God.”

Exodus 4:9

And if dem nor bilive dis two signs or listin to yu, make yu take small wota from River Nile kon pour am for dry groun. Den di wota wey yu fetch from di river go turn to blood as yu dey pour am.”

Exodus 5:2

But Fero ask dem, “Who bi dis God wey go make mi fear am kon let Israel pipol go? I nor know am, so I nor go let Israel pipol go.”

Exodus 6:7

I go take una as my pipol and I go bi una God. Den una go know sey na mi bi di Oga wey bi una God. Di One wey save una from Egypt pipol hand wen dem dey sofa una.

Exodus 7:20

Moses and Aaron do as Oga God kommand dem. Aaron use di rod wey dey en hand take nak River Nile for where Fero and en savants dey and di river turn to blood.

Exodus 7:5

Den wen I show Egypt pipol as I strong rish kon take Israel pipol komot from der, di pipol go know sey na mi bi Oga God.”

Ezekiel 25:17

I go ponish and revensh dem. Dem go feel as I dey vex rish. Den dem go know sey na mi bi God.”

Ezekiel 29:9

Egypt go turn to where nobody dey stay. Den una go know sey na mi bi God. Bikos yu sey na yu get Nile River,

Ezekiel 30:19

Wen I don ponish Egypt like dis, dem go know sey na mi bi God.”

Ezekiel 30:8

Wen I don put fire for Egypt and all di sojas wey dey guide am don die finish, den dem go know sey na mi bi God.

Ezekiel 32:15

“Wen I don make Egypt land empty and distroy evritin wey dey der, den una go know sey na mi bi God.

Ezekiel 32:6

I go pour yor blood from groun go rish on-top di mountin and blood go full di valley.

Ezekiel 38:23

Na like dis I go take show all di kountries as I dey great and holy rish. Den, dem go know sey na mi bi God.”

Ezekiel 39:28

Den my pipol go know sey na mi bi di Oga wey bi dia God. Dem go know, bikos I send dem go anoda land prisonas before, but naw, I don gada dem from all di kountries where I skata dem go before kon bring dem back to dia land and I nor forget or leave anybody for der.

Daniel 4:17

Dis na di decision wey di angel make. So, make evribody wey dey di world know sey di Most High God get pawa ova evry kingdom and E dey gi-am to anybody wey E choose! Even to di pipol wey small pass!’

Daniel 4:32

Dem go drive yu komot from where human being dey and yu go stay with animals. Na seven years yu go take chop grass like melu kon sleep for open field where dew go fall for yor body, until yu go know sey na di Most High God get pawa ova evry kingdom and E dey gi-am to anybody wey E like.”

Daniel 4:37

Naw, mi Nebukadnezzar praiz, woship and hail di King wey dey heaven. Evritin wey E dey do dey rite and en ways dey pure. Pipol wey dey karry body up, E dey bring dem down.

Daniel 5:21

Dem porshu am komot for where human being dey. En mind kom bi like animal own and e kon dey follow wiked donkeys dey stay. E dey chop grass like sey e bi melu kon dey sleep for bush and e nor get anytin to take kover en body from dew wey dey fall. Na so e bi until e kom bilive sey na God dey rule ova human being and dey give leadership to anybody wey E like.

Daniel 5:23

Instead, yu dey against God wey get heaven and eart. Yu bring all di tins from di temple, den yu and yor men, plus yor wife and yor girl-friends kon use dem dey drink wine. Yu dey praiz di gods wey dem make with gold, silva, bronze, iron, wood and stone; gods wey nor even fit si, hear or undastand! But yu neva ever praiz God wey dey kontrol yor life and ways!

Revelashon 11:6

Dis two men get di pawa to klose di sky, so dat rain nor go fall as dem dey profesai. Dem still get di pawa to turn wota to blood and to kause bad tins to happen for di eart.

Revelashon 8:8

Den di sekond angel blow en trumpet and dem trow mountins wey fire dey, enter di sea. If dem divide di sea into three, one part kon turn to blood.