Exodus 6:7 - Holy Bible Nigerian Pidgin English

⁷ I go take una as my pipol and I go bi una God. Den una go know sey na mi bi di Oga wey bi una God. Di One wey save una from Egypt pipol hand wen dem dey sofa una.

Exodus 6:7 ပူးပေါင်းရင်းမြစ်များ

Jenesis 26:3

Stay for dis land. Den I go dey with yu kon bless yu, bikos I go give all dis land to yu and yor shidren-shidren. I go do wetin I promise yor papa Abraham.

Jenesis 28:13

den Oga God stand for di top. God kon sey, “Na mi bi di Oga God, yor grand-papa Abraham and yor papa Isaak God. Dis groun wey yu sleep put so, I go gi-am to yu and yor shidren-shidren.

1 Kings 20:28

One profet go meet King Ahab kon sey, “Dis na wetin God tok: ‘Bikos Siria pipol tok sey I bi god for mountin and nor bi for groun, I go make yu win dia many sojas and yu and yor pipol go know sey na mi bi God.’ ”

1 Kings 8:60

so dat all di nashons go know sey na only God bi God and e nor get anoda god.

Nehemaya 1:10

My God, dis pipol na yor savants and pipol. Na Yu save dem with yor great pawa.

Psalms 100:3

Make una know sey na di Oga God bi God! Na-im make us and wi bi en pipol. Wi bi en pipol, di sheep wey dey en field.

Psalms 81:6

“Si, I don take di load komot from una shoulder; I don free una from di heavy work wey una dey do.

Exodus 13:14

“Wen una son ask una for future sey, ‘Wetin dis tin mean?’ Una go ansa, ‘Na with mighty pawa God take komot us from Egypt where wi for bi slaves.

Exodus 13:3

So Moses tell di pipol, “Make una remember today wey una komot from Egypt where una for bi slave. Dis na di day wey di Oga una God take una komot with en great pawa. So make nobody chop bread wey get yist.

Exodus 14:18

Den Egypt pipol go know sey na mi bi God wen I don kollect my glory for wetin I go do Fero, en shariot and doz wey dey ride dem.”

Exodus 14:4

I go make Fero heart strong again and e go porshu una and una go honor mi, bikos of wetin I go do Fero and en sojas, den Egypt pipol go know sey na mi bi Oga God.” So Israel pipol do as Moses tell dem.

Exodus 15:16

Betta fear go katch dem and with yor great pawa, dem go bi like stone kon dey fear until di pipol wey Yu save, go waka pass.

Exodus 15:2

Na God bi my pawa and Savior. Dis na my God and I go praiz am. My grand-grand papa dem God and I go sing about how E great rish.

Exodus 16:12

“I don hear Israel pipol komplain, so go tell dem, ‘Una go chop meat for evening kon chop bread for morning until una beleful, den una go know sey na mi bi di Oga wey bi una God.’ ”

Exodus 16:6

So Moses and Aaron tell Israel pipol, “Dis evening, una go know sey na God take una komot from Egypt.

Exodus 2:11

Wen Moses don mature, e komot go visit en Hibru pipol. For der, e kon si how en pipol dey sofa, bikos of di work wey dem dey do. Den Moses si as one Egypt man dey beat one Hibru man wey bi en own pesin.

Exodus 6:6

“So tell Israel pipol sey, ‘Na mi bi Oga God and I go remove di load wey Egypt pipol put for dia head and dem nor go bi slave again. Na my pawa I go take save una and I go ponish Egypt pipol.

Exodus 7:17

God sey, ‘Naw, wetin I go do, go make yu know sey na mi bi Oga God.’ Si, I go nak di wota for River Nile with di stik wey dey my hand and e go shange to blood.

Isaya 41:20

Pipol go si dis tins and dem go know sey, na mi wey bi God, do am. Den dem go undastand sey, na Israel God wey dey holy, make all dis tins happen.”

Isaya 49:23

Kings go bi like una papa and kweens go bi like una mama. Pipol go bow dey honor una with respet. Den una go know sey na mi bi God, bikos I nor go disgrace anybody wey dey wait make I help am.”

Isaya 49:26

I go make pipol wey dey opress una, chop dia own flesh; dem go drink dia own blood like wine. Den evribody go know sey mi, wey bi God, na-im bi di Pesin wey save and free una. Dem go know sey, na mi bi di mighty God for Israel.”

Isaya 51:15

Na mi bi di Oga wey bi una God, I dey shake di sea kon make di wave shaut. My name na God wey get pawa!

Isaya 60:16

Nashons and kings go kare for una as mama dey kare for en pikin. Den, una go know sey, mi wey bi God, don save una. Israel God wey get pawa don free una.

Isaya 63:8

God sey, “Dem bi my pipol and dem nor go lie give mi.” E save dem

Jeremaya 30:22

Dem go bi my pipol and I go bi dia God. Mi, wey bi God, don tok.”

Jeremaya 31:33

Afta I don bring Israel pipol kom back to dia land, dis na di new kovenant wey I go make with dem: I go put and rite my law for dia heart. I go bi dia God and dem go bi my pipol.

Ezekiel 20:19

Na mi bi una Oga and God, so make una obey my laws and kommand.

Hosea 1:10

But di time dey kom wen Israel pipol go plenty like san-san for sea wey nobody fit kount or measure. Aldo God dey sey, “Una nor bi my pipol,” but di day dey kom wen God go sey, “God wey nor dey die, na-im bi una papa!”

Levitikus 11:44

I bi di Oga una God and una go make unasef pure kon dey holy, bikos I dey holy. Una must nor dirty unasef.

Levitikus 11:45

Na mi bi God wey take una komot from Egypt, so dat I go bi una God and una go dey holy, bikos I dey holy.

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”

Nombas 15:41

Na mi bi di Oga una God; wey take una komot from Egypt, so dat I go bi una God. Na mi bi God.’ ”

Matiu 22:32

God sey, ‘I bi Abraham, Isaak and Jakob God. I nor bi God for pipol wey don die, but I bi God for pipol wey dey alive!’ ”

Romans 8:31

Wetin wi go tok about all dis tins? If God dey for awa side, who go fit dey against us?

Deutronomi 14:2

Bikos una dey holy to di Oga una God, na-im make am choose una as en pipol wey E love pass among evry oda tin for dis world.

Deutronomi 26:18

Today, God don sey una bi en pipol, en betta gift wey E value well-well, just as E promise, so una must obey en kommand.

Deutronomi 29:12

so dat una go asept di kovenant wey di Oga una God dey make with una today.

Deutronomi 29:13

Today, God go sey una bi en pipol and na-im bi una God, bikos na-im promise una and una grand-grand papa Abraham, Isaak, Jakob.

Deutronomi 29:5

I karry una thru di wildaness for forty years, but una klot or sandal nor tear.

Deutronomi 4:20

Make una remember sey di Oga wey bi una God, save and take una komot from Egypt, so dat una go bi en own pipol wey E go guide and na so una bi till today.

Deutronomi 7:6

Bikos una dey holy and na di Oga una God bi una papa. From all di pipol wey dey di eart, di Oga una God don choose una to bi en own special pipol.

Hibru 11:16

But as tins bi so, dem dey espect kountry wey betta pass dia own and e dey kom from heaven. Naim make God nor shame wen dem dey koll am dia God, bikos E don build big town for dem.

1 Pita 2:10

Before-before, una nor bi God pipol, but naw, una don bi en pipol. Dat time, God nor get mesi for una, but naw, una don get en mesi.

Revelashon 21:3

And I hear one loud vois from di throne dey sey: “Make yu look! God house don dey with human being naw. E go stay with dem and dem go bi en pipol. God ensef go dey with dem.

Revelashon 21:7

Di pesin wey win, go inherit dis tins. I go bi en God and e go bi my pikin.