Exodus 4:21 - Holy Bible Nigerian Pidgin English

²¹ God tell Moses, “Wen yu go back to Egypt, yu must do all dis mirakle and sign for Fero front, bikos I don put pawa for yor hand. But I go make Fero heart strong well-well and e nor go gri free my pipol.

Exodus 4:21 ပူးပေါင်းရင်းမြစ်များ

Jenesis 6:3

So Oga God kon sey, “My Spirit nor go fit stay with man again pass one hundred and twenty years, bikos dem bi ordinary human being.”

1 Kings 22:22

“God ask am, ‘How yu wont take deceive am?’ “Di spirit ansa, ‘I go make all di profets lie for Ahab.’ “So God tell am, ‘Make yu go deceive am, bikos e go hear yu.’ ”

Psalms 105:25

Den God turn Egypt pipol against Israel pipol and dem kon plan against God pipol.

Psalms 78:43

Dem nor remember all di mirakles wey E do for Egypt; di wonders wey E do for Zoan field,

Exodus 10:1

Den God kon tell Moses, “Make yu go meet Fero, bikos I don make en and en savants heart strong, so dat I go fit show dem all dis my mirakles.

Exodus 10:20

But God still make Fero heart strong and e nor gri free Israel pipol.

Exodus 10:27

But God still make Fero heart strong and e nor gri free dem.

Exodus 11:10

So Moses and Aaron do all dis wonders wey Fero si, but God make Fero heart strong, so dat e nor go let Israel pipol komot from Egypt.

Exodus 11:9

God kon tell Moses, “Fero nor go gri listin to yu, so dat I go fit do my plenty wonders for Egypt.”

Exodus 14:17

But I go make Egypt sojas heart strong, so dat dem go porshu una and pipol go honor mi, bikos of wetin I go do to Fero, en shariot and doz wey dey ride dem.

Exodus 14:4

I go make Fero heart strong again and e go porshu una and una go honor mi, bikos of wetin I go do Fero and en sojas, den Egypt pipol go know sey na mi bi Oga God.” So Israel pipol do as Moses tell dem.

Exodus 14:8

God make Fero heart strong well-well, so e kon porshu Israel pipol. Naw Israel pipol just komot Egypt with betta mind.

Exodus 3:19

“But I know sey Egypt king nor go let una go, unless I force am.

Exodus 3:20

So I go use my hand skata Egypt with all di wonders wey I go do among dem and afta all doz tins, e go let una go.

Exodus 7:13

With all dis ones, Fero heart still strong well-well and e nor gri listin to dem, just as God tok.

Exodus 7:3

But I go make Fero heart strong, even with all di signs and wonders wey I go do take warn am.

Exodus 8:11

Di frog go komot from yu, all yor savants and yor pipol house and na only di frog dem for inside River Nile, go remain.”

Exodus 8:15

But wen Fero si sey di wahala don end, en heart kon strong more and e nor gri listin to dem, just as Oga God tok.

Exodus 8:32

But Fero heart still dey strong and sturbon as before and e nor gri free di pipol.

Exodus 9:12

But God still make Fero heart strong and e nor gri listin to dem, just as Oga God sey e go bi.

Exodus 9:35

So Fero heart still dey strong and e nor gri release Israel pipol, just as God tok.

Isaya 6:10

Den E tell mi, “Go make dis pipol get strong heart, deaf dia ear and blind dia eyes, so dat dem nor go si, hear or undastand again. If dem bi like dat, dem go turn kom meet mi and I go heal dem.”

Isaya 63:17

Why Yu make us komot from yor plans and ways? Why Yu make us sturbon like dat, sotey wi turn from Yu? Make Yu kom back, bikos of doz wey dey serve Yu and bikos of di pipol wey bi yor own.

John 12:40

“God don blind dia eye and make dia heart strong like stone, so dat dem nor go si with dia eye and undastand with dia heart, so dem nor go fit kom meet mi, make I for heal dem.”

Romans 1:28

Since dem nor gri put God for mind and serve am, E kon leave dem make dem use dia bad mind dey do tins wey dem nor suppose do.

Romans 9:18

So, God dey sorry for who E won sorry for and dey ponish who E won ponish.

2 Korintians 2:16

To doz wey don lost, e bi like sometin wey dey kill; but for doz wey Christ don save, e bi like smell wey dey give life. So, who go fit handle all dis tins?

Deutronomi 2:36

From Aroer wey dey River Arnon korna (River town), go rish Gilead, e nor get any town wey fit fight us. Di Oga awa God give us all doz towns.

Joshua 11:20

bikos God make di towns sturbon, so dat dem go attack Israel. God wont make Israel pipol kill dem anyhow, just as E don kommand Moses.

1 Pita 2:8

Na-im bi di rock wey dey fall pipol, bikos dem nor fit jump am pass. As dem nor bilive God word, dem bigin fall, bikos na so E plan sey e go bi.