Exodus 34:26 - Holy Bible Nigerian Pidgin English

²⁶ Una must bring di first fruit wey una harvest from una farm kom di Oga una God house. Make una nor kill or chop animal wey still dey suck breast.”

Exodus 34:26 ပူးပေါင်းရင်းမြစ်များ

Nehemaya 10:35

Evry year, wi go take di first korn wey wi harvest go di temple as ofrin and even di first fruit wey go ripe for awa trees, wi go give dem too.

Exodus 23:19

“Una must bring di first fruit wey una harvest from una farm to di Oga una God house. “Make una nor kook yong goat wey still dey suck en mama breast.”

Levitikus 23:10

“Make yu tell Israel pipol sey, ‘Wen dem enter di land wey I won give dem kon harvest dia korn, make dem take di first ones wey dem harvest go give di priest.

Levitikus 23:14

Make una nor chop any new korn, weda raw one or di one wey dem roast or bake to bread, until una don bring di ofrin kom meet God. Una shidren wey una go born go obey dis law forever and ever.

Nombas 15:20

Una go give kake from una first flower wey una grind as special ofrin, just as una do for di first korn wey una grind.

Nombas 18:13

And any first fruit wey ripe for dia land wey dem give God, go bi yor own. Evribody wey dey klean for yor family go fit chop am.

Matiu 6:33

But make una first do di good tins wey God wont and evry oda tin go bi una own.

1 Korintians 15:20

But God don raiz Christ from deat! And E make us dey sure sey, oda pipol go raiz-up from deat too.

Deutronomi 14:21

Make una nor chop anytin wey die on en own. Una fit gi-am to strenja wey dey stay una town or una fit sell am give strenjas. But make una nor chop am at-all, bikos una bi di Oga una God pipol. Make una nor kill or chop small goat wey still dey suck breast.

Deutronomi 26:10

And naw, awa God, wi don bring di first fruit, plants and animal wey Yu give us for dis groun.” Make una put evritin for di Oga una God present, den bow woship am.

Deutronomi 26:2

make una put some of di first fruits and plant wey una harvest inside one basket kon bring dem kom di place wey God don choose for woship and where dem go for honor en name.

James 1:18

As God wont am, E kon born us with di true message, so dat wi go bi first among all wetin E kreate.