Exodus 31:15 - Holy Bible Nigerian Pidgin English

¹⁵ Una get six days to work, but di sevent day wey bi Sabat Day, na to rest, bikos e dey holy to God; anybody wey work for di sevent day, must die.

Exodus 31:15 ပူးပေါင်းရင်းမြစ်များ

Jenesis 2:2

For di sevent day, God finish di work wey E dey do and E kon rest.

Exodus 16:23

Moses ansa, “Dis na wetin God tok: ‘Tumoro na Sabat Day, so evribody must rest. Anytin wey una won bake or boil, make una bake and boil dem today and anytin wey remain, make una keep am till di next day wey bi Sabat Day.’ ”

Exodus 16:26

Una go si gada for six days, but for di sevent day wey bi di Sabat Day, una nor go si any one gada or pick.

Exodus 23:12

“Una go work for six days, but make una nor work for di sevent day, so dat una melu, donkey, slave and strenjas wey dey work for una, go rest.

Exodus 31:14

Una must keep di Sabat Day, bikos e dey holy to una. Anybody wey work for dat days, must die.

Exodus 31:16

Israel pipol must keep di Sabat Day and obey am from one generashon go rish anoda. Dis kovenant go last forever.

Exodus 31:17

Na sign between mi and Israel pipol forever. Bikos God use six days take kreate di heaven and di eart and E rest for di sevent day.’ ”

Exodus 34:21

“Una go work for six days, but for di sevent day, una must rest; even if na wen una dey prepare una land to plant or harvest.

Exodus 35:2

Una fit work for six days, but for di sevent day wey dey holy to una, na Sabat Day wen una go to take rest and woship God. Anybody wey work, go die.

Exodus 35:3

Nobody must lite fire for en house for di Sabat Day.”

Ezekiel 46:1

God wey get pawa sey, “For di six days for di week wen una take dey work, make dem dey always klose di east gate wey dem dey pass enter di kourtyard, but make dem open am for Sabat Day and for di New Moon Festival.

Levitikus 16:29

“Dis na di law wey una go obey forever. For di tent day for di sevent mont, Israel pipol and di strenjas wey dey stay with dem must fast and dem must nor do any work.

Levitikus 23:3

“ ‘Una go work for six days, but di sevent day, na di day wey una suppose rest. For dat day, una nor go work, but una go gada woship God.

Levitikus 23:32

Dat day na Sabat Day, so una must rest and una must honbol unasef for di ninet day for di mont for evening and from dat evening still di next morning, una must respet di Sabat Day.”

Luke 13:14

But di oga for di sinagog vex sey Jesus heal pesin for Sabat Day, so e kon tell di pipol, “Wi get six days wen pipol suppose work, so make una kom make dem heal una for doz six days, but nor bi for Sabat Day.”

Luke 23:56

Den di wimen go house go prepare betta perfume. But for Sabat Day, dem kon rest as Moses Law tok.

Deutronomi 5:12

Una must obey di Sabat Day, just as di Oga una God kommand una.

Hibru 4:9

So, di really “Sabat Day” rest, still dey kom for God pipol.