Exodus 3:15 - Holy Bible Nigerian Pidgin English

¹⁵ God still tell Moses, “Yu must tell Israel pipol sey, ‘God wey bi una grand-grand papa God; di Pesin wey bi Abraham, Isaak and Jakob God, na-im send mi kom meet una.’ Dis na my name forever and dis na wetin pipol go take remember mi from one generashon go rish anoda.

Exodus 3:15 ပူးပေါင်းရင်းမြစ်များ

Jenesis 24:12

E kon pray, “My Oga God, wey bi my masta Abraham God, make Yu guide mi today. Make Yu dey good to my oga Abraham.

1 Kronikles 16:16

just as E promise Abraham and Isaak.

1 Kronikles 29:18

God wey bi awa grand-grand papa Abraham, Isaak and Jakob God, make yor pipol always dey ready to obey Yu forever, so dat Yu go always make dem dey faithful to Yu.

2 Kronikles 28:9

Oded wey bi God profet, dey der. E go meet di sojas wen dem rish Samaria kon sey, “Si, bikos una grand-grand papa God dey vex with Judah pipol, na-im make am give dem to una. Una don kill dem well-well and God know evritin.

Psalms 102:12

But Yu, my Oga God go sidan for yor throne forever and evry generashon go know how Yu dey great.

Psalms 102:13

Yu go raiz-up kon sorry for Jerusalem, bikos dis na di time wen Yu go favor am. Yes! Dis na di rite time to help am.

Psalms 135:13

So my God, yor name go dey forever. My Oga God, dem go respet Yu forever,

Psalms 30:4

All of una wey dey fear God, make una sing to am!

Psalms 30:5

Bikos en vexnashon nor dey tey, but en favor dey last forever! Even doh I kry for nite, I know sey joy go kom for morning.

Psalms 68:5

Na en bi papa to di pipol wey nor get papa and na en bi husband to wimen wey dia husband don die. God dey rule from en holy place.

Psalms 72:17

Make di king rule forever; make en kingdom kontinue as long as di sun dey shine. Make blessing dey all di nashons bikos of am, so dat dem go praiz am.

Psalms 72:19

Make una praiz en name wey get glory forever! Make en glory dey di whole eart. Amen!

Exodus 15:2

Na God bi my pawa and Savior. Dis na my God and I go praiz am. My grand-grand papa dem God and I go sing about how E great rish.

Exodus 15:3

Awa Oga sabi fight war, na God bi en name.

Exodus 3:13

But Moses ansa God, “If I go meet Israel pipol kon tell dem, ‘Na una grand-grand papa God send mi kom meet una.’ Den dem ask mi, ‘Wetin bi en name?’ Na wetin I go ansa dem?”

Exodus 3:6

E still tell am, “Na mi bi yor papa Abraham, Isaak and Jakob God.” Den Moses hide, bikos e dey fear to look God face.

Exodus 4:1

Moses ansa again, “Na wetin I go do if dem nor bilive or listin to mi, but kon dey sey, ‘God nor appear to yu’?”

Exodus 4:5

God sey, “Dis na wetin yu go do, so dat Israel pipol go bilive sey na di Oga God wey bi dia grand-grand papa, Abraham, Isaak and Jakob God, appear to yu.”

Exodus 6:2

So God tell Moses, “Na mi bi Oga God.

Proverbs 18:10

God name na strong place to hide put, raitious pipol dey run enter and dem dey-dey save.

Isaya 26:8

My Oga God! Wi dey wait for Yu as Yu dey judge us. Yes! Na yor greatness and as Yu dey do yor tins, dey make us grow.

Isaya 42:8

Na mi bi God and na my name bi dat; I nor go share my glory with anybody or let juju follow mi share my praiz.

Isaya 63:12

Where God wey do great tins thru Moses wey divide di sea kon lead en pipol pass di deep wota, so dat honor and glory wey nor dey end, go bi en own?”

Isaya 9:6

Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Jeremaya 33:2

Na mi, God do dis tins! Na mi God, make di eart kon put am for where e dey so. Dem know mi as Oga God; naw I dey tell yu,

Daniel 2:23

I praiz and honor Yu, di Oga wey bi my papa dem God. Yu don give mi wisdom and pawa; Yu don ansa my prayers kon show mi wetin I go tell di king.”

Hosea 12:5

Oga God wey dey mighty; na God bi en name forever.

Hosea 12:6

So, make una turn kom meet una God. Make una show love; dey judge well and dey patient as una dey wait for God.

Levitikus 24:11

As dem dey fight, di Israel woman pikin kon curse God name, so dem take dem go meet Moses. (En mama name na Shelomit wey bi Dibri pikin from Dan tribe.)

Mikah 4:5

Even doh di nashons around us dey serve dia juju, wi go woship and obey di Oga awa God forever and ever.

Malakai 3:6

“Na mi bi God and I nor dey shange. Una wey bi Jakob shidren, na mi make una neva die finish.

Matiu 22:32

God sey, ‘I bi Abraham, Isaak and Jakob God. I nor bi God for pipol wey don die, but I bi God for pipol wey dey alive!’ ”

Acts 3:13

Na Abraham, Isaak, Jakob and awa grand-grand papa God, naim karry en savant Jesus Christ go up, di one wey una rijet kon gi-am to Pilate make e judge am, even wen e won free am.

Acts 7:32

‘Na mi bi di God wey yor grand-grand papa Abraham, Isaak and Jakob dey woship.’ Moses start to shake and fear nor let am look too mush.

Deutronomi 1:11

So make God wey bi una grand-grand papa God bless una well-well, just as E promise!

Deutronomi 1:35

“Nobody for dis una wiked generashon nor go si or enter di good land wey I promise una grand-grand papa dem!

Deutronomi 4:1

Israel pipol, make una listin to di rules and law wey I won tish una naw. Make una obey dis law, so dat una go get betta life kon enter and stay di land wey awa grand-grand papa God promise sey E go give us.

Hibru 11:16

But as tins bi so, dem dey espect kountry wey betta pass dia own and e dey kom from heaven. Naim make God nor shame wen dem dey koll am dia God, bikos E don build big town for dem.

Hibru 13:8

Jesus Christ na di same yestiday, today and forever, e nor dey shange!