Exodus 29:18 - Holy Bible Nigerian Pidgin English

¹⁸ Yu go burn all di ram for di altar. Na burnt ofrin to God and Oga God like di smell well-well; bikos na ofrin wey dem make with fire.

Exodus 29:18 ပူးပေါင်းရင်းမြစ်များ

Jenesis 22:13

Abraham look up kon si one ram for en back, wey dey for trap for di bush. So e go karry di ram kon offa am to Oga God instead of en pikin.

Jenesis 22:2

God kon sey, “Make yu take yor pikin Isaak, yor only boy wey yu love and make una dey go Moraya! Den yu go offa am to mi as ofrin for one mountin wey I go show yu.”

Jenesis 22:7

Isaak ask en papa, “My papa?” Abraham ansa, “My pikin, na wetin?” Isaak kon sey, “Si di fire and di wood for here, but where di lamb wey wi go use for di sakrifice?”

Jenesis 8:20

Noah build one altar for Oga God. E kon take some from evry klean animal and bird take offa ofrin for di altar.

Jenesis 8:21

Di ofrin smell kon make belle sweet God, so E tell ensef, “I nor go ever curse di eart again, bikos of wetin human being do; even doh I know sey since wen I kreate dem, na only bad tins dem dey tink. I nor go ever distroy evritin wey get life as I don do so.

1 Kings 18:38

At wons, fire from God kon fall from heaven. Di fire burn di ofrin, di wood, di stones and di dirty kon dry di wota wey dey di gutta.

1 Kings 3:4

One day, Solomon go do sakrifice for Gibeon, bikos di altar wey dey der, fine well-well. E don rish 1,000 times wen Solomon don burn ofrin give God for der.

Psalms 50:8

I nor dey komplain about una sakrifice or di burnt ofrin wey una always dey offa.

Exodus 29:17

Den yu go kut di ram into pieces, wosh di intestine and en two legs kon put dem on-top en head and di oda part.

Exodus 29:25

Den yu go take di bread from dia hand kon burn dem for di altar as ofrin wey get betta smell to God.

Isaya 1:11

E sey, “Una sakrifice nor mean anytin to mi. I don taya for una animal ofrin; I nor like una goats, bull or melu blood.

Jeremaya 6:20

Dia gift wey dem dey bring from Sheba or di incense wey dem bring from far land nor mean anytin to mi. I nor go fit asept dia ofrin again and dia sakrifice nor fit make belle sweet mi.’

Levitikus 1:17

E go hold di feada kon tear di body open. E nor go allow di feada fall komot, den e go burn evritin for di altar. God like dis food ofrin smell well-well.

Levitikus 1:9

Di man wey dey give di ofrin must wosh di animal intestine and legs and di priest go burn evritin for di altar. God like dis food ofrin smell well-well.

Levitikus 4:31

E go remove all di fat, just as e do with di fat for di peace ofrin. E go burn am for di altar with di food ofrin wey dem give God. As di priest give dis sakrifice, God go forgive di man.

Levitikus 8:21

Afta Moses don wosh di intestine and di leg with wota, e kon burn all di ram on-top di altar as komplete ofrin. Na burnt ofrin wey dem give to God and God like am well-well. So, Moses do as God kommand am.

Levitikus 9:24

At wons, God send fire go burn di burnt ofrin and di fat dem for di altar. Wen di pipol si am, dem kon shaut and bow face groun.

Mark 12:33

To love God with all awa heart, mind and pawa and to love awa neighbour as awasef big pass all di sakrifice and ofrins wey pesin fit give God.”

Efesians 5:2

Make wi love one anoda, just as Christ love and sakrifice ensef as ofrin wey get betta smell to God, bikos of us.

Filippians 4:18

Naw, I get evritin wey I nid, bikos Epafroditus don give mi di tins wey una send. And na dis bi di ofrins wey dey make belle sweet God.

1 Samuel 7:9

So Samuel take one small sheep kon offa am as one full ofrin to God. Samuel pray to God for Israel pipol and God kon ansa am.