Exodus 28:2 - Holy Bible Nigerian Pidgin English

² Make yu make special garment for yor broda Aaron, wey go gi-am beauti and honor.

Exodus 28:2 ပူးပေါင်းရင်းမြစ်များ

Job 40:10

If na so, stand up make yu ansa mi; dress like king make yu hail yorsef.

Psalms 132:16

I go protet en priests and joy go full di heart of doz wey dey fear God.

Psalms 132:9

Make yor glory kover yor priest; make joy full yor loyal savants heart.

Psalms 149:4

bikos God like en pipol and doz wey honbol demsef, E dey make dem win.

Psalms 96:6

Honor and majesty dey round am; strent and beauti dey en temple.

Exodus 28:40

“Yu go make tunik and sashes for Aaron sons. Yu go make head-band for dem, so dat dem go get glory and beauti.

Exodus 29:28

Anytin Israel pipol give God as dia peace ofrin, go bi Aaron and en sons share and nobody go shange dis law.

Exodus 31:10

di garment wey dem weave; di holy garment wey Aaron and en sons go wear to take serve as priest;

Exodus 40:13

Den yu go dress Aaron with di holy garments kon anoint and santify am make e for fit serve as my priest.

Isaya 4:2

For dat time, God go make evry plant and tree grow big and fine well-well again. All di pipol wey go survive for Israel, go like di tins wey di land go produce.

Isaya 52:1

Jerusalem pipol, make una dey great and strong again! God holy town, make una wear pride like klot! Pipol wey nor know God nor go enter una gate again.

Isaya 61:10

Jerusalem pipol dey happy, bikos of wetin God don do. E bi like yong woman wey dem dress ready for marriage. God don wear salvashon and viktory klot for en body.

Isaya 61:3

E sey, instead of sadnes, E go give joy and happiness to doz wey dey mourn for Zion. Instead of sorrow, E go put praiz song for dia mout. Dem go bi like tree wey God plant by ensef. All of dem go do wetin dey rite and dem go praiz God for wetin E don do.

Isaya 64:6

All of us nor dey klean and dirty full awa life. Bikos of awa sins, wi bi like leaf wey don fade wey breeze dey blow trowey.

Levitikus 8:30

Moses take some anointin oil and some blood wey dey di altar kon sprinkol dem for Aaron, en sons and for dia garment. Na so e take klean dem and dia klot, so dat dem go dey holy to serve God.

John 1:14

Den di Word kon shange to pesin and e stay with us for dis world. Wi si en glory wey show sey, naim bi di only pikin wey get korrect favor and trut, wey God send kom meet us.

Romans 13:14

Instead, make una wear Jesus Christ like klot for body. Den wi nor go do di tins wey awa body wont.

Romans 3:22

Na di faith wey pesin get for Jesus Christ go make am dey good for God eye. Anybody wey bilive Jesus, God dey make en faith strong, weda e bi Jew or Gentile pesin.

Galatians 3:27

Una wey dem don baptize inside Christ, don wear Christ for body like klot.

Hibru 2:9

even doh wi si Jesus wey angels big pass small, e nor too tey before God gi-am glory and honor, bikos e sofa and die for evribody, just as God plan am.

Hibru 7:26

Na Jesus bi di High Priest wey wi nid. E nor dey do bad tin; e dey holy; nor dey make mistake and e nor bi like wi, wey bi sinnas. God praiz am pass evritin wey dey heaven

2 Pita 1:17

God gi-am honor and glory wen di vois sey, “Dis na my Pikin wey I love and e dey make belle sweet mi.”

1 John 3:2

My friends, wi bi God shidren naw and wi neva know as wi go bi wen Christ go kom back. But wi know sey wi go bi like am, bikos wi go si am just as E bi.

Revelashon 19:8

Dem allow am wear klean linen wey dey shine, (Dis linen mean di good tins wey God pipol do).

Revelashon 5:10

Yu don choose dem as kings and priests wey go serve God and dem go rule for di eart.”