Exodus 24:2 - Holy Bible Nigerian Pidgin English

² Na only Moses go kom near mi, but make di odas nor kom near and make di rest pipol nor klimb with am.”

Exodus 24:2 ပူးပေါင်းရင်းမြစ်များ

Exodus 19:12

Tell evribody where dem go waka rish kon sey, ‘Make anybody nor klimb di mountin or tosh en korna. Anybody wey tosh di mountin, go die!

Exodus 20:21

Di pipol stay far from di place, but Moses waka near di tick kloud, where God dey.

Exodus 24:1

Den God tell Moses, “Make yu klimb kom meet mi; both yu, Aaron, Nadab, Abihu and di seventy eldas for Israel and wen una still dey far from where I dey, make una bow woship mi.

Exodus 24:13

So Moses and Joshua wey dey follow am kon go di mountin, den Moses klimb go meet God.

Exodus 24:15

Moses klimb go di mountin wey di kloud kover.

Exodus 24:18

Moses enter inside di kloud wen e klimb di mountin and e stay der for forty days and forty nites.

Exodus 24:3

So Moses tell di pipol wetin God tok and di pipol ansa, “Wi dey ready to do evritin wey di Oga awa God kommand.”

Jeremaya 30:21

Dia leaders go kom from dia own nashon and dia prince go bi dia own pipol. E go kom meet mi wen I invite am, bikos nobody go fit kom wen dem nor invite am.

Jeremaya 49:19

“Like lion wey run kom from Jordan bush kon katch sheep for fine betta land, na so too I go make Edom pipol run komot from dia kountry. Den di leaders wey I choose go rule di nashon. Bikos e nor get anybody wey bi like mi and nobody fit shalenge mi! Wish ruler fit go against wetin I tok?

Nombas 16:5

Den e tell Korah and doz wey dey follow am sey, “Tumoro morning, God go show us who bi en own and who dey holy. Na only di pesin wey bi God own go fit enter en Holy Place.

Hibru 9:24

Christ nor enter di Holy Place wey human being build like di original building for heaven, but na heaven e enter and naw, e stand for God present for awa sake.