Exodus 24:18 - Holy Bible Nigerian Pidgin English

¹⁸ Moses enter inside di kloud wen e klimb di mountin and e stay der for forty days and forty nites.

Exodus 24:18 ပူးပေါင်းရင်းမြစ်များ

1 Kings 19:11

God tell am, “Make yu go stand for my front for di mountin. Si! God dey ready to waka pass.” God send one strong breeze go shake di hills and di rocks, but God nor dey inside di breeze. Afta di breeze stop, di groun kon dey shake and swallow tins, but God nor dey inside.

1 Kings 19:8

Elijah get up kon chop and drink wota again, den di food gi-am pawa to take waka for forty days go di holy mountin for Sinai.

Exodus 19:20

God kom on-top di mountin kon sey make Moses kom meet am for der, so Moses kon go up.

Exodus 24:17

From where di pipol dey, dem si God glory on-top di mountin like fire wey dey burn.

Exodus 25:1

God kon tell Moses:

Exodus 32:1

Wen di pipol si sey Moses nor dey kom down from di mountin, dem gada round Aaron kon tell am, “Make yu make one god for us wey go lead us, bikos wi nor know wetin don happen to Moses wey take us komot from Egypt!”

Exodus 34:28

So Moses dey der with Oga God for forty days and forty nites; Moses nor chop bread or drink wota. E rite di kovenant word for di two stones and na dem bi di ten kommandment.

Exodus 9:29

Moses ansa am, “Wen I komot go inside town I go stresh my two hand go heaven to di Oga wey bi God, den di tonda go stop and di ice-blok nor go fall again, so dat yu go know sey na Oga God get di whole world.

Exodus 9:33

So Moses waka leave Fero kon go inside di town stresh en two hand go heaven as e dey pray and di tonda, di ice-blok and di rain kon stop to fall.

Proverbs 28:1

Wiked pesin dey run wen nobody dey porshu am, but honest pesin dey get heart like lion.

Matiu 4:2

Afta Jesus don fast for forty days and forty nites, e kon dey hongry.

Mark 1:13

E stay inside di wildaness where Satan tempt am for forty days. E dey der with wiked animals and God angels kon gi-am evritin wey e wont.

Luke 4:2

For der, devil kon tempt am for forty days. Dat time, Jesus dey fast, so e nor chop food, but afta e fast finish, e kon dey hongry.

Deutronomi 10:10

But for mi, I stay for di mountin just as I do for di first time for forty days and forty nite. For dat time, God still listin to mi kon sey E nor go distroy una.

Deutronomi 5:31

But make yu nor follow dem go, yu go dey here with mi, so dat I go fit tell yu all di kommand, rules and law wey yu go tish dem, so dat dem go dey do dem for di land wey I go give dem.”

Deutronomi 9:18

Den I go stay for God present for anoda forty days and forty nite; I nor chop or drink anytin bikos of all di sins wey una don kommit wen una dey do wiked tins wey go make God vex well-well.

Deutronomi 9:25

I liedan for groun for God present for forty days and forty nite, bikos E sey E go distroy una.

Deutronomi 9:9

Dis tin happen wen I go di mountin go kollect di ten kommandment wey God make for una. I dey der for forty days and forty nite and I nor chop or drink anytin.